Kezdesý barysynda senatorlar zaman damýynan qalmaı, ǵylymdy damytý men jańa tehnologııalardy meńgerý jáne tájirıbe júzinde ǵylymı jańalyqtardy paıdalaný qajettigin atap ótti.
О́ńirge sapar aıasynda depýtattar J.Dosmuhamedov atyndaǵy pedagogıka kolledjinde boldy. Ustazdar qaýymy shaǵyn jınaqty aýyldyq mektepter úshin muǵalimder daıarlaý baǵyttaryn jikteýdi zańnamaǵa engizý týraly usynys aıtty. Sondaı-aq, jas mamandarǵa sanat berý, pedagogıka kolledjderi túlekteriniń eńbekaqysyn arttyrý máseleleri qozǵaldy.
Depýtattar sonymen qatar Oral qalasynyń №1 qalalyq aýrýhanasynda bolyp, dárigerlik qyzmet kórsetý barysymen tanysty.
Oral qalasynyń №33 orta mektebindegi oqytýshylarmen kezdesýde apattyq jaǵdaıdaǵy mektep úshin jańa ǵımarat salý máselesi kóterildi. Ol úshin respýblıkalyq bıýdjetten 1 175,040 mln teńge, jergilikti bıýdjetten - 130,559 mln teńge qarajat bólý qajettigi aıtyldy.
Oral qalalyq jumyspen qamtý ortalyǵynda bolǵan kezde depýtattar ortalyqtyń jumysymen tanysyp, qyzmetkerlerdiń jetispeýshiligi men mekeme assıstentteriniń eńbekaqysyn arttyrý máselelerin talqylady.
