«Amanat» azamattyq alańynyń Aqtóbe oblystyq shtabynyń jetekshisi Aıgúl Dúısenovanyń aıtýynsha, onyń jumysy basty bes baǵyttan turady.
– Munyń alǵashqysy saılaýdy ótkizýge ázirlikten bastaý alyp, odan ári saılaýshylardyń óz quqyqtary týraly habardar etedi. Mundaǵy basty qaǵıdat ádildik tanytýǵa baǵyttalǵan. Saılaý ýchaskelerinde qurylǵan táýelsiz baqylaý jelileri osy talaptardyń múltiksiz saqtalýyn qadaǵalaıdy. Bul halyqaralyq uıymdardyń standarttaryna sáıkes júrgizilmek. Sonymen bir mezgildegi alań músheleri saılaý komıssııalarymen jáne úmitkerlerdiń shtattarymen qoıan-qoltyq tyǵyz yntymaqtastyqta qyzmet atqarady, – dedi ol.
Sondaı-aq Aıgúl Dúısenovamen áńgime barysynda «Amanat» tek ashyqtyqty qoldaıtynyn bildik. Bul oraıda obektıvti aqparat pen ashyq pikir almasý tetikteri oılastyrylǵan. Táýelsiz dıalog platformalary óz qyzmetin osy baǵytta órbitip, ártúrli kózqarastar men pikirdegi sarapshylardyń oı-tujyrymdaryn bir arnaǵa toǵystyrmaq. Bir sózben aıtqanda «Amanat» qurmet pen senim qaǵıdattaryn jáne memleket pen qoǵamnyń teń yntymaqtastyǵyn qamtamasyz etýge bel býyp otyr deýge tolyq negiz bar.
Taǵy bir aıta keterlik másele, «Amanat» azamattyq qorynyń oblystyq shtaby táýelsiz baıqaýshylarǵa arnalǵan trenıng ótkizýge bastamashy bola biledi. Munda saılaýshylar men baıqaýshylar mindetteriniń quqyqtyq negizderi jóninde jan-jaqty áńgimeler qozǵaldy. Sondaı-aq jergilikti saılaý komıssııalarymen ózara birlesken is-qımyl jasaı bilý joldary talqylandy. Sonymen birge saılaýǵa qatysty zań buzý derekteri tirkelgen jaǵdaıda baıqaýshylar men monıtorıng júrgizýshiler qandaı is-qımyl tanytýy kerektigi jóninde de tıisti aqparattar berildi.
– Qazir óńirde «Amanat» alańynyń shtaby oblystyń ár aýdanynda mobıldi kapıtandar ázirleý isin aıaqtap keledi. О́z kezeginde mobıldi kapıtandar óz aýdandaryndaǵy saılaý ýchaskeleriniń sanyna qaraı baıqaýshylar ázirleıdi.
– Oblysta 529 saılaý ýchaskesi bar. Sonyń bárinde «Amanattyń» baıqaýshylary bolady, – deıdi Aıgúl Dúısenova.
AQTО́BE
