Jobanyń ınvestory, Alina kompanııalar tobynyń prezıdenti Erlik Balpanbaevtyń aıtýynsha, ótken jylmen salystyrǵanda keshenge kelýshiler sany 3 esege artqan. Qazir jańa aspaly joldyń qurylysy júrip jatyr. Qoldanystaǵy 13 km shańǵy trassasyna qosa bıylǵy jyly taǵy 7 shaqyrymy salynady. Jasandy qar jasaý jumysymen de aınalysýda. Bul maqsatta eki sý qoımasy, 7 km joǵary qysymdy trassa salynyp jatyr.
Alaıda, qazirgi kezde ınfraqurylym jaǵynan memleket qoldaýynyń qajettigi baıqalýda. Iаǵnı, «Almaty - Talǵar» trassasynan Besqaınar aýylyna burylatyn jol aıyryǵynyń qurylysy qoldaýdy qajet etedi. Sol sııaqty Baıbulaq aýylynan «Taý -Turan» aýmaǵyna deıingi 1000 jáne 2000 KVA qýatty stansııasy bar 2 elektr jetkizý júıesin salýdyń alǵashqy qadamy ınvestordyń qarjysyna daıyndalyp, memlekettik saraptama qorytyndysy alynǵan. Endi nysandy gazdandyrý jaǵynan da qoldaý qajet.
О́z kezeginde oblys ákimi Amandyq Batalov nysanǵa gaz jetkizýge múmkindik bar ekenin, al ishki gaz taratý júıesin ınvestor óz esebinen júrgizýge tıis ekenin atap ótti. Al jol qurylysyna kelsek, bul máselede qoldaý kórsetiletini aıtyldy. Al eki energııa taratý jelisiniń qurylysyn zerttep, meńgerýdi tıisti sala mamandaryna tapsyrdy.
