Bul bastamaǵa Ekibastuzdaǵy Bolat Nurjanov atyndaǵy Ekibastuz GRES-1 stansasy alǵashqylardyń biri bolyp qoldaý kórsetti. Kásiporyn janynan ashylǵan «Greenhouse KZ» JShS jylyjaı kesheninde 2016 jyly raýshan gúlin ósirý qolǵa alynsa, ótken jyly qyzanaq ósirýdiń jańa óndiristik qýaty iske qosyldy. Búginde kásiporynda 175 jumysshy eńbek etýde.Negizi, jylyjaıdyń qurylysyn gúl ósirýde órkenıetti tájirıbesi bar gollandyq «VAN DER HOEVEN» kompanııasy júrgizdi. Jylyjaı shynydan turǵyzylǵan.
Jobaǵa 3 mlrd teńgeden astam ınvestısııa salynypty. Investısııalyq joba gollandyq ınvestorlarǵa tıesili. Qazir «Greenhouse-Qaztomat» JShS bıyl 11,5 gektar, al 2020 jyldyń naýryzynda 10 gektarlyq kólemde qsmya jylyjaıdy iske qosýdy kózdep otyr.
Al, jumys istep turǵan jylyjaı kesheni 2 modýlden turady. Onyń 5 gektarynda raýshan gúli, ekinshi 5 gektarlyq modýlde qyzanaq ósiriledi. Byltyr 2,2 myń tonna ónim alynǵan. 2019 jyly 2,7 myń tonnaǵa jetkizilmek.
Qyzanaqtyń 90 paıyzy Reseıge satylady. Kásiporyn reseılik «Lenta» JShS iri dúkender jelisimen kelisimshart jasaǵan. Qyzanaqtan bólek ekibastuzdyq raýshan gúli shetelge eksporttalýda. Bıyl 10,1 mıllıon dana raýshan gúlderi alynbaq. Jylyjaıda 91,3 paıyzy áıelder eńbek etýde.
