«Eńbekti qorǵaý jáne eńbek salasynyń bolashaǵy» taqyrybyndaǵy konferensııaǵa Eńbek jáne halyqty áleýmettik qorǵaý mınıstri Berdibek Saparbaev, Kásipodaqtar federasııasynyń tóraǵasy Baqytjan Ábdiraıym, Halyqaralyq eńbek ınspeksııasy qaýymdastyǵynyń prezıdenti Kevın Maıers, IIDM Indýstrııalyq damý jáne ónerkásiptik qaýipsizdik komıtetiniń tóraǵasy Qanat Baıytov, Adamı kapıtaldy damytý jáne bıznestiń áleýmettik saıasaty komıteti tóraǵasy Talǵat Doskenov qatysty.
Mınıstr B.Saparbaev elimizdiń kásiporyndarynda jaraqattaný men ólim-jitimniń tómendegenin atap ótti. Ol 2018 jyly óndiriste zardap shekkenderdiń sany 6,6%-ǵa (1568 adam), ótken jylmen salystyrǵanda 9,8%-ǵa (220 adam) azaıǵanyn aıtty. Ekonomıka salalary bólinisinde zardap shekkenderdiń eń kóp sany taý-ken metallýrgııa kesheni kásiporyndarynda jáne qurylys salasynda bolyp, jeke-jeke 18,5%-dy jáne 12,4%-dy quraıdy.
«Memlekettiń negizgi saıasatynyń biri – adam kapıtalyn damytý, jumysshylardyń eńbegin qorǵaý, óndiris qaýipsizdigin qamtamasyz etý. Sondyqtan álemdegi bolyp jatqan ozyq tájirıbelerdi, tehnologııalardy paıdalanýymyz kerek. Búgin 9-ret ótip otyrǵan kórmeniń negizgi maqsaty da sol. 9 jyldyń ishinde osyndaı kórmelerge 400-den astam kompanııa qatysyp, oǵan 10 myńǵa jýyq adam keldi. Jyl saıyn elimizdegi óndiristik jaraqattaný deńgeıi shamamen 80 paıyzǵa tómendep keledi. Qaıǵyly oqıǵalar sanynyń azaıǵany da baıqalady. Biraq óndiriste jaraqat alý áli de bar. Máselen, ótken jyldyń ishinde shamamen 1500 jaraqattaný deregi tirkelip, ókinishke qaraı, 220 adam qaza tapty. Sondyqtan biz óndiriste jaraqat alý deńgeıin barynsha tómendetý úshin jumys isteýimiz qajet» dedi mınıstr.
Júrgizilgen taldaýǵa sáıkes, qaýipsiz eńbek jaǵdaılaryn qamtamasyz etpeý, jeke jáne ujymdyq qorǵanys quraldarynyń bolmaýy jáne qyzmetkerlerdi tıisti oqytýdyń jetkiliksizdigi eldegi óndiristegi jazataıym oqıǵalardyń negizgi sebepteri bolyp qala beredi.
Eńbek jaǵdaılary qolaısyz bolý saldarynan ónerkásiptik jaraqattar ǵana emes, kásiptik aýrýlardyń sany da artýda. О́tken jyldyń ózinde saqtandyrý uıymdary eńbekke qabilettigin joǵaltýmen baılanysty zııandy óteý úshin 2606 qyzmetkerge 4,5 mlrd teńge tólegen. «Belgilengen problemalardy eskere otyryp, zııandy eńbek jaǵdaılary boıynsha jumys oryndaryn túbegeıli qysqartýǵa jáne óndiristik jaraqattanýdy nólge deıin tómendetý mindetin qoıdyq» dedi B.Saparbaev.
Eńbek jáne halyqty áleýmettik qorǵaý mınıstrligi osy baǵytta keshendi jumys júrgizýde. Iаǵnı aldaǵy 5 jylda eńbek qaýipsizdigi jáne eńbekti qorǵaý jónindegi normatıvtik-quqyqtyq aktilerdi qaıta qaraýdy josparlap otyr. Osylaısha, mınıstrlik 2019-2023 jyldarǵa arnalǵan Qazaqstan Respýblıkasynda zııandy eńbek jaǵdaılary boıynsha óndiristik jaraqattanýdy jáne eńbek jaǵdaılary zııandy jumys oryndaryn azaıtý boıynsha jol kartasyn ázirledi. Qujatta qabyldanǵan sharalardyń oryndalýy memlekettik baqylaýdyń tıimdiligin arttyrýǵa, kásibı táýekelderdi basqarýdyń zamanaýı júıesin engizýge, eńbekti qorǵaý salasyndaǵy fýnksııalardy avtomattandyrýǵa jáne áleýmettik áriptestik ınstıtýtyn tıimdi paıdalanýǵa baǵyttalǵan.
Eńbek mınıstrliginiń ınternet-resýrsy alańynda «Eńbekti qorǵaý jáne qaýipsizdik» aqparattyq júıesimen ıntegrasııalanǵan eńbekti qorǵaý salasynda elektrondyq portal qurý máselesi pysyqtalýda. Portal bazasynda statıstıkalyq eseptilik júıesi jáne eńbek zańnamasy máseleleri boıynsha elektrondyq konsýltant qurylatyn bolady.
Konferensııa qatysýshylary salanyń damýy, óndiristegi eńbekti qorǵaý jáne ónerkásiptik qaýipsizdik boıynsha sıfrlyq tehnologııalardy engizý, jeke jáne ujymdyq qorǵaýdyń jańa júıelerin, eńbekti qorǵaýdyń basqarý júıesin, sondaı-aq memlekettik jáne ishki baqylaý máselelerin qarady.
Qatysýshylardyń sóılegen sózderin qorytyndylaı kele, B.Saparbaev konferensııa alańynda qalyptasqan syndarly dıalogty atap ótti. Mınıstr spıkerlerdiń usynystaryn qoldady, atap aıtqanda, eńbek qaýipsizdigi salasyndaǵy aldyn alý jumystaryn qoldady. Ol Aqtóbe qalasyndaǵy ERG kompanııasynyń tájirıbesi týraly aıtyp berdi, onda «halyqty basqarý» jobasy iske qosyldy, kompanııanyń burynǵy qyzmetkerleri, mysaly, eńbek ardagerleri kásiporyndaǵy jumys qaýipsizdigin baqylaı alady.
Is-shara aıasynda KIOSH-2019 kórmesiniń resmı ashylý rásimi ótti, oǵan Qazaqstan, Qytaı, Reseı jáne Túrkııadan 40 kompanııa qatysýda. Kórmeniń ekspozısııasy óndirýshiler men qorǵanys quraldaryn, toqyma buıymdaryn, jabdyqtardy, ońaltý jáne profılaktıka ónimderin, sondaı-aq iri ónerkásiptik kásiporyndardy, tájirıbe almasý jáne tájirıbe almasý ortalyqtaryn usyndy.
Aıta keteıik, KIOSH Eńbek jáne halyqty áleýmettik qorǵaý mınıstrliginiń qoldaýymen jyl saıyn júzege asyrylady.
