Kompanııa basshysy Ilon Mask Twitter-de spýtnıkter tobynyń sátti ushyrylǵanyn jazyp, sýretin jarııalady. Onyń aıtýynsha, kompanııa ýaqyt óte kele Starlink jelisin 12 myń apparatqa deıin keńeıtýdi josparlaǵan.
Spýtnıkterdiń árqaısysy 500 fýntty quraıdy. Olar tek kún batareıasymen jumys isteıdi. Starlink júıesi 800 jerserik iske qosylǵan kezde jumys isteı bastaıdy, ol úshin taǵy on shaqtysyn iske qosý qajet bolady.
SpaceX – kommýnıkasııalyq spýtnıkterdiń úlken jelisin qurýǵa ruqsaty bar jalǵyz kompanııa emes. Olardyń arasynda – sońǵy úsh aıda alty apparatty iske qosqan Brıtandyq OneWeb bar. Amazon kompanııasynyń da ǵaryshty ıgerýge qatysty jospary bar: kompanııa 3200 jerserikti jer mańyndaǵy orbıtaǵa ushyrýdy kózdeıtin Project Kuiper jobasyn ázirleýde.
