Mını-chempıonat «Alǵa, baby» bóbekter eńbekteıtin jáne «Sýper otbasy» balalarymen birge ata-analary synǵa túsetin eki kezeńnen turdy. Birinshi kezeńde sábıler 10 metrlik qashyqtyqqa eńbektep jarysty. Al ekinshi kezeńde búkil otbasy músheleri birge eńbektep, synǵa tústi.
Tańǵalarlyq ári óte qyzyqty. Bir bala tez eńbektese, endi biri baıaý, taǵy biri tipti, basqa jaqqa qarap qalady. Anasyn kóre qalsa, sol jaqqa qaraı eńbekteı jóneletinin kórip, kúlesiń.
Eńbekteý jarysyna Shadııar Qasym, Elmaz Aıdarov , Omar Sársembaı, Medına Nurlan, Isa Zýratuly, Ádilet Qabdykárim sekildi basqa da kishkentaılar qatysty.
– Eń bastysy – sábıdi qyzyqtyra bilý. Birden jarys jolyna túsip, eńbekteı jóneletin zeıindi sábıler de bar, – deıdi uıymdastyrýshylar.
Jarys qorytyndysy boıynsha 1-oryndy 10 metr qashyqtyqty 1 mınýt 12 sekýndta eńbektep shyqqan Nadır Nyǵmatýllın jeńimpaz atandy. Al 2-oryndy – Sara Qaraǵojınova, 3-shi oryndy – Álisher Klassen esimdi sábıler aldy.
Barlyq qatysýshy otbasylardy ortalyqtyń seriktesteri «Antoshka» oıynshyqtar dúkeni, «Megakids» balalar damytý ortalyǵy, «De Mode Kids» balalar kıim dúkeni, «Aııa» merekelik ortalyq, «Baby Shop Pvl» balalar taýarlary dúkeni, «Baby Style» balalar sulýlyq salony arnaıy atalymdarmen qosa, arnaıy syılyqtarmen marapattady.
Pavlodar
