Naýqandy ýaqytyly aıaqtaý tapsyryldy

Keńeste sharýalardy sa­paly tuqymdarmen, janar jaǵarmaımen, aýyl sharýa­shylyǵy tehnıkasymen qamta­masyz etý, suranysqa ıe aýyl sharýashylyǵy daqyl­darynyń aýdandaryn árta­raptandyrý, sýbsıdııalaý máseleleri qaraldy.

Aýyl sharýashylyǵy mınıstri Saparhan Omarov qazirgi tańda barlyq óńir kóktemgi egis jumystaryn júrgizýge kiriskenin, al oń­tús­tik óńirlerde egis j­umys­tary aıaqtalýǵa taqap qalǵa­nyn aıtty. Onyń aıtýynsha, egistiń jalpy aýdany 22,3 mln gektardy, onyń ishinde kóktemgi egis aýmaǵy 19 mln gektardy quraıdy.

̶ Dándi daqyldar 14,5 mln ga alqapqa egiledi. Sharýalardyń tuqymǵa degen qajettilikteri 100% qamtamasyz etildi. Bıylǵy eginge shamamen 2,5 mln tonna tuqym sebildi. Bul kórsetkish ótken jylǵydan 100 myń tonnaǵa artyq, – dedi mınıstr. 

S.Omarov jasaǵan baıandamada zııankester men aramshópterden qorǵaý maqsatynda qajetti qorektik zattar men óńdeýge arnalǵan preparattar satyp alynǵany da aıtyldy. Búginde 267,1 myń tonna tyńaıtqysh tıelse, onyń 60%-y otandyq óndirýshilerden alynǵan.

Belgili bolǵandaı, byltyr aýyl sharýashylyǵy tehnıkalary 3,5%-ǵa jańar­tyldy. Jalpy alǵanda, ju­mysqa 147 myń traktor, 4 myń birlik ónimdiligi joǵary egis jıyntyqtary tar­tylǵan. Memlekettik qol­daý sharalarynyń aıasynda 50,6 mlrd teńge somasyna 1770 aýyl sharýashylyǵy taýar óndirýshisi qarjylan­dyryldy.

О́z kezeginde Energetıka mınıstri Qanat Bozymbaev sharýalardy janar-jaǵar­maı materıaldarymen qamta­masyz etý barysy týraly baıandady. Onyń aıtýynsha, naýryz-maýsym kezeńinde kóktemgi dala jumystaryn júrgizýge 380 myń tonna dızel otyny bólingen. Búgingi tańda qajettilik kóleminiń 81%-y tıeldi.

̶  Belgilegen dızel oty­ny­nyń baǵasy lıtrine 160 teń­geni quraıdy (193 myń teńge/tonna), operator­lardyń jetkizý baǵalaryn eskergende óńirlerdegi ortasha baǵasy – 174 teńge/lıtr, bul naryqtyq baǵadan 18 teńgege arzan, – dedi Q.Bozymbaev.

Úkimet basshysy A.Mamın jaýapty vedomstvo­lar men aımaqtarǵa kóktemgi egis ju­mystaryn ýaqtyly aıaqtaýdy tapsyrdy.

̶ Jalpy, egis jumystary durys uıymdastyrylyp júrgizilip jatyr. Qarqyn kóńilden shyǵady. Bul máse­leniń kúndelikti baqylaýda turǵanyn atap ótkim keledi. Aýyl sharýashylyǵy mınıs­trligi aımaqtarmen birge egis naýqanyn laıyqty dáre­jede ári ýaqtyly júrgizedi degen úmittemin. Barlyq uıym­dastyrýshylyq jáne qarjylyq baǵyttaǵy jumys­tar aıaqtaldy dese de bolady. Janar-jaǵarmaımen qamtýda da Energetıka mınıs­trligi jaǵdaıdy rettedi. Sol sebep­ti, barlyq másele sheshil­di dep esepteımin, – dedi ol.

Jıynda Túrkistan, Alma­ty, Jambyl oblystary­nyń basshylary jáne sol­tústik óńirler – Aqmola, Qostanaı, Soltústik Qazaq­stan oblystarynyń ákim­deri óńirlerde egis naýqan­daryn júrgizý týraly baıan­dady. Barlyq óńirler tu­qymdardyń qajetti kóle­mimen qamtamasyz etilgeni de aıtyldy.