A. Saparov Premer-Mınıstr Asqar Mamın qatysqan Aýyl sharýashylyǵy mınıstrliginiń keńesinde atalmysh jobanyń tusaýkeseri bolǵanyn jetkizdi.
«Baǵdarlama qarjylyq, mamandar daıyndaý sııaqty máselelerdi qamtyp, teriskeı agrarshylaryn qoldaýǵa arnalǵan. Bes jyl ishinde soıa daqylynyń kólemin 1,5 mıllıon gektarǵa, jalpy ónimdi 3 mıllıon tonnaǵa deıin jetkizý belgilengen. Munyń ózi óńdeýshi kásiporyndardyń qýattylyǵyn, eńbek ónimdiligin, eksport mólsherin arttyrýǵa, jańa jumys oryndaryn qurýǵa múmkindik beredi», dedi Aıdarbek Seıpiluly.
Astyqty ólkeniń pılottyq jobanyń biregeı alańy retinde tańdap alynýy kezdeısoq emes. О́ńirde astyq óndirisin ártaraptandyrýdyń nátıjesinde maıly daqyldar jalpy egistik alqabynyń tórtten birin qurap, 1 mıllıon gektarǵa jetip otyr. Bıyl alǵash ret 15 myń gektarǵa soıa egý tájirıbesi qolǵa alyndy. Avstrııadan ákelingen elıtaly, sýperelıtaly tuqym jetkilikti, arnaıy tehnıkalar bar. Soıadan keıin bıdaı jaqsy ósedi. Baǵasy da joǵary.
