«Basqarma tarapynan qolǵa alynǵan sharaǵa 100-ge jýyq mekemeniń ókilderi, sondaı-aq qalamyzdaǵy ata-analar men jasóspirimder qatysty. Búgingi festıvaldiń maqsaty - ata-analar men balalarǵa qajetti qyzmet túrlerin bir ortaǵa toǵystyryp, búldirshinderdiń júzine kúlki men jylýlyq syılaý, otbasy jarasymyn qalyptastyrý. Bul otbasylar úshin keremet mereke aınalyp, dástúrli jalǵasyn tapsa degen oıdamyn», dedi J. Qaltaev.
Mereke aıasynda balalar arasynda túrli sporttyq oıyndar, ata-analar arasynda baıqaýlar uıymdastyryldy. Qaladaǵy barlyq mekemelerden ókilder qatysyp, turǵyn úı, áleýmettik járlemaqylar, jumyspen qamtý máseleleri boıynsha keńes alýǵa múmkindik aldy.
Sonymen qatar, Shymkent qalasy densaýlyq saqtaý basqarmasyna qarasty №1, №2 qalalyq emhanasynyń dárigerleri halyqqa tegin keńes berip, qyzmet kórsetti. Vızaj, shashtaraz, tyrnaq árleýshileri, qolóner sheberleri jáne aspazdar sheberlik-sabaq ótkizdi.
Eki kúnge jalǵasqan is-shara barysynda belsendi qatysýshylar marapattalyp, balǵyndarǵa oıynshyq, balmuzdaq sekildi túrli syılyqtar taratyldy.
Bul retki festıvalde jas urpaqty eldikke baýlý maqsatynda «Rýhanı jańǵyrý» baǵdarlamasy aıasynda atqarylǵan jumystar týraly jumystar usynyldy. Atalǵan keńsesiniń Shymkent qalasyndaǵy jetekshisi Záýre Oralbaeva Elbasy Nursultan Nazarbaev aıqyndap bergen baǵdarlamaǵa sáıkes qolǵa alynǵan jobalarǵa toqtaldy.
«Shymkent qalasynda «Rýhanı jańǵyrý» baǵdarlamasy aıasynda 581 is-shara ótkizilip, oǵan 74 myńǵa jýyq adam qamtylǵan. «Týǵan jer» arnaıy jobasynyń «Atameken» kishi baǵdarlamasy sheńberinde demeýshiler men mesenattar esebinen quny 1,6 mlrd teńgeni quraıtyn 32 joba uıymdastyryldy. Oqýshylar men jastar arasynda «О́lketaný», «Sanaly azamat», «Otanym taǵdyrym» bazalyq baǵyttary boıynsha túrli formattarda 138 is-sharalar uıymdastyrylyp ótkizildi. О́lkeniń tarıhyn keńinen taný men zertteý maqsatynda qaladaǵy 5, 6, 7 synyptarǵa arnalǵan «О́lketaný» oqýlyǵy daıyndalyp, 2018-2019 oqý jylyna arnalǵan mektep baǵdarlamasyna engizildi», deıdi Z.Oralbaeva.
