Sport • 27 Mamyr, 2019

Beldesýde Dáýren dara shyqty

672 retkórsetildi

Almatydaǵy «Suńqar» halyqaralyq shańǵy tramplınderi kesheninde qazaq kúresiniń bir tarmaǵy – beldesýden respýblıkalyq týrnır ótti. Atalǵan sport túrinen baq synaýǵa Qazaqstannyń barlyq aımaǵynan 1000-ǵa jýyq balýan keldi.

Ekinshi ret ótken týrnır «Rýhanı jańǵyrý» baǵdarlamasyn iske asyrý maqsatynda umyt qalǵan kóne balýandyq ónerimiz «beldesý» sport túrin qaıta jańǵyrtý, jastardy sportqa tartý, qazaq halqynyń ulttyq sport túrlerin nasıhattaý jáne sporttyq salt-dástúrin saqtaýǵa jumyldyrý maqsatynda uıymdastyryldy.   

Halyq arasynan eń myqty balýandy anyqtaý sharasyn  Mádenıet jáne sport mınıstrligi, qazaq kúresi federasııasy jáne «Qazaqstan Barysy» qazaq kúresin damytý qory jáne Almaty qalasy ákimdiginiń qoldaýymen ótkizdi.

Kúres merekesine Mádenıet jáne sport vıse-mınıstri E.Ramazanov, Almaty qalasynyń ákimi Baýyrjan Baıbek, Máskeý Olımpıadasynyń jeńimpazy Jaqsylyq Úshkempirov, QR eńbek sińirgen sport qaıratkeri Dıhanbaı Bıtkózov, QR qazaq kúresi federasııasynyń prezıdenti Arman Shoraev syndy myrzalar qatysty. Sondaı-aq, shara barysynda «Alashuly», «Ulytaý», «Turan», «Aldaspan» toptary óner kórsetip, ulttyq qundylyqtar men atrıbýttar nasıhattalatyn teatrlandyrylǵan shoý jáne akrobatıkalyq kórsetilimder, at ústindegi ulttyq sport túrleriniń erekshelikteri, semserlesý sahnalary uıymdastyryldy.

Beldesýge kelgen 1000-ǵa jýyq balýan jarystyń birinshi kúni irikteý kezeńinen ótti. Al týrnırdiń ekinshi kúni 32 balýan ózara kúsh synasyp, nátıjesinde:

Bas júlde ıegeri Nuralınov Dáýrenge (Almaty qalasy) 9 000 000 teńge, dıplom, medal, shapan syıǵa tartyldy. Jatyqtyrýshysy Qıqymov Maqsatqa 1 000 000 teńge tabystaldy.

II oryndy ıelengen Jıentaev Talǵatqa  (Qostanaı oblysy) 4 500 000 teńge, dıplom, medal, shapan syıǵa tartyldy. Jatyqtyrýshysy  Jıentaev Toqtarǵa  500 000 teńge tabystaldy. III oryndy enshilegen Qyryqbaev Ǵalymjanǵa (Jambyl oblysy) 2 700 000 teńge, dıplom, medal, shapan syıǵa tartyldy. Jatyqtyrýshysy Aqbergenov Bahtııarǵa  300 000 teńge tabystaldy. IV orynǵa taban tiregen Maǵaýınov Ernar (Almaty qalasy) 1 800 000 teńge, dıplom, medal, shapan syıǵa tartyldy. Jatyqtyrýshysy Nasıev Ermekke 200 000 teńge tabystaldy.

Banner
Sońǵy jańalyqtar

Memleket basshysy Lı Chjanshýmen kezdesti

Prezıdent • Búgin, 14:47

Túrkistan – jastar qalasy!

Aımaqtar • Keshe

Importtan ne uttyq?

Ekonomıka • Keshe

Festıvaldiń alǵashqy kúninde eki qoıylym sahnalandy

Rýhanııat • 20 Qyrkúıek, 2019

«Eki juldyz» baıqaýy Almatyda bastaldy

Rýhanııat • 20 Qyrkúıek, 2019

Tarazda jedel baılanys ortalyǵy ashyldy

Aımaqtar • 20 Qyrkúıek, 2019

Lısakovtyń «Báıteregi»

Aımaqtar • 20 Qyrkúıek, 2019

Alty boksshymyz jartylaı fınalda aıqasady

Sport • 20 Qyrkúıek, 2019

Gobelen – tekti ónerdiń týyndysy

Rýhanııat • 20 Qyrkúıek, 2019

«Mádenı qabat» joıylǵan joq

Qoǵam • 20 Qyrkúıek, 2019

Shahmardan terbelgen talbesik

Rýhanııat • 20 Qyrkúıek, 2019

Uqsas jańalyqtar