Ekonomıka • 28 Mamyr, 2019

Huawei-ge qara bult tóndi me?

760 retkórsetildi

Huawei telekommýnıkasııalyq kompanııasy taıaýda ǵana 2019 jyldyń alǵashqy toqsanyndaǵy tabysy 39 paıyzǵa, ıaǵnı, 26,8 mıllıard dollarǵa ulǵaıǵany týraly habarlaǵan edi. Naýryzdyń sońynda álem boıynsha 59 mıllıon tutynýshyǵa smartfon satylǵanyn aıtyp súıinshi suraǵandaı bolǵan. Alaıda, taıaýda AQSh-tyń saýda mınıstrligi «qara tizimge» engizgennen keıin kompanııanyń jaǵdaıy ózgere bastaǵan syńaıly.

Tramptyń tıisti jarlyǵy shyqqannan keıin ile-shala búkilálemdik Google korporasııasy Huawei-men baılanysyn úzgeni belgili. Artynsha Intel, Qualcomm, Xilinx, Broadcom­­ sııaqty mıkroelektro­nıka sa­­lasyndaǵy alpaýyttar da qy­taılyq áriptesimen ju­mysyn toqtatty. Google-diń baǵdar­lamalyq qoldaýynan aıy­ry­lǵany, Android-tyń jańǵyrtý júıelerinen qol úzip qalǵany álemdik telekommýnıkasııa na­ryǵyndaǵy alpaýytqa qalaı áser etpek? Basyna qara bult úıi­rildi deı berýge bola ma?

IT-bloger Erlan Ospannyń aıtýynsha, Tramptyń «qara tizimine» engen kompanııamen jumys isteý kez kelgen kompanııa úshin qaýipti. Sondyqtan Amerıkanyń sanksııasyna ushyramaý úshin bıznes álemi áldeqashan eki qadam alda júrýge ádettengen. Demek, Huawei-diń smartfondarynan bastap, noýt­býk pen jeli jabdyqtary óndirisi bıznesine kádimgideı qater tóndi deı berýge bolady. 

– Aıtalyq, buryn Huawei noýtbýktaryna prosessordy Intel-den alatyn. Al onyń smartfondaryna Qualcomm prosessor beretin edi. Endi ekeýi de kómektespeıdi, oǵan múmkindik joq. Biraq soǵan qaramastan qytaılyq hi-tech alpaýyty berilmeýge tyrysýda. Qalaı bolǵan kúnde de Huawei-diń 2020 jylǵa qaraı «álemniń úzdigi bolamyz» degen uranynyń oryndalýy ekitalaı. Sebebi HiSilicon-nyń, jalpy Qytaıdyń ǵylymı-tehnologııalyq áleýetin jahan­dyq jetistikterden bólip qaraý qıyn, – deıdi ol. 

Erlan Ospan aıtqandaı, bul jerde qarabaıyr qısynǵa salsaq, Qytaı mıkrondyq tehnologııa men topologııa salasynda Batystan ozsa – syrttan satyp alýdy áldeqashan toqtatar edi. Sondyqtan, Qytaı tarapynyń málimdemelerine qaramastan Huawei-ge tehnologııalyq tur­ǵy­­dan artta qalý qaýpi tónip tur. Mysaly, aqparattyq teh­nolo­gııalar men telekommýnıkasııa salasyndaǵy taǵy bir al­paýyt – koreıalyq Samsung qarap jatpaıdy, osy oqıǵany paıdalanyp qalýǵa tyrysady. Google-diń Huawei tehnıkalaryn qoldaýdy toqtatýy týraly habar gadjetsúıer jurtty biraz dúrliktirgeni beker emes deýge bolady. 

– Al Android júıesinen aıy­rylýdyń zardaby óz aldyna bólek áńgime. Menińshe, Huawei-diń SOS júıesin ózimiz jasap aldyq, synaqtan ótkizip jatyrmyz degen málimdemeleri shyndyqtan góri, «aryǵyn bil­dirmeı, syrtqa júnin qam­paıtýǵa» kóbirek uqsaıdy. Iá, tipti júıeni jasap alýǵa da bolady. Biraq oǵan qosymsha ja­zatyn mıllıondaǵan baǵdar­lamashylardy tez arada tárbıe­lep ala qoıý múmkin be? Meniń­she, múmkin emes. Android – koder­ler úshin «aýrýy» ábden bel­gili bolǵan «atyspaqqa jaq­sy eski jaý». Ekinshiden, eshkim Amerıka naryǵynda satylmaýy múmkin qosymsha jasaýdy úırene qoımaıtyn shyǵar, – deıdi IT-bloger. 

Sonymen Huawei smartfonyn satyp alatyn aǵa­ıyn úshin endi Android-tyń jań­ǵyrtýlary jabyq. Googl Play dúkeni men Gmail elektrondy poshtasyn da qoldana almaıdy. 

Blumberg-tiń habarlaýynsha, qytaılyq kompanııa qansha jerden qýatty bolsa da, amerıkalyq kompanııalarǵa táýeldi. Qazirdiń ózinde úsh-aq aıǵa jetetin qo­sym­sha bólshekteri qalǵan Huawei­ odan keıin shyǵynǵa ba­­týy­ ábden múmkin. Soǵan qa­ra­­­mas­tan, kompanııa basshysy esh­­­­qandaı kúrdeli másele joq eke­­nin aıtýdan tanar emes. AQSh úkimetiniń sheshiminen keıin ile-­shala baspasóz máslıhatyn ót­kiz­gen kompanııa basshysy:

– Sóz joq, biz klıentterimizge laıyqty qyzmet kórsetýdi jal­ǵas­tyra beremiz. Bizdiń serııalyq óndiriste orasan zor kúsh-qýa­tymyz bar, dúnıejúzilik naryq­ta básekege qabiletti bolyp qa­la beremiz. О́sim qarqyny tó­men­deýi múmkin, biraq bul son­sha­lyqty joǵary bolmaıdy. Bıyl birinshi toqsandaǵy bizdiń ope­rasııalyq tabystarymyz byl­tyrǵymen salystyrǵanda 30 paıyzǵa joǵarylady, sáýir aıynda 25 paıyzǵa tómendedi. Bálkim, jyl sońyna deıin bul kórsetkish taǵy da tómendeıtin shyǵar, biraq mınýsqa kirmeımiz, – dedi ol. 

Huawei aqparattyq tehnolo­gııalar men telekommýnıkasııa salasyndaǵy asa iri kompanııa­lardyń biri sanalady. Álemniń 170 elinde jumys isteıtin, 180 myńnan astam adam qyzmet etetin kompanııanyń byltyrǵy tabysy 108,5 mıllıard AQSh dollarynan asyp tústi. Búgingi tańda jer sharyndaǵy halyqtyń úshten bir bóligine jýyǵy osy kompanııanyń ónimderin tuty­nady degen derek bar. Qytaılyq kompanııanyń Qazaqstandaǵy enshilesi «Hýaveı Teknolodjız Qazaqstan» kompanııasy 2007 jyly ashylǵan bolatyn. 
Sońǵy jańalyqtar

Senat Bıýrosynyń otyrysy ótti

Parlament • Búgin, 19:00

Muhtar Tólegen: Abaı úni - halyq úni

Aımaqtar • Búgin, 17:31

О́z qarjysyna kitaphana salǵan

Aımaqtar • Búgin, 10:08

Sabannan jasalǵan qalashyq

Aımaqtar • Búgin, 10:05

Mýngııamen judyryqtasýy múmkin

Sport • Búgin, 10:04

Almatydan 356 km qashyqtyqta jer silkindi

Aımaqtar • Búgin, 09:55

Otanǵa qyzmet – ortaq paryz

Qoǵam • Búgin, 09:48

Kóp balaly otbasylar baspanaly boldy

Aımaqtar • Búgin, 09:42

Aýylǵa kel, jas dáriger

Aımaqtar • Búgin, 09:37

Ashyq ári ádil áleýmettik saty

Qoǵam • Búgin, 09:12

О́lketaný órenderdiń óresin ósiredi

Aımaqtar • Búgin, 09:09

Tarıh. Tulǵa. Túrkistan

Rýhanııat • Búgin, 09:06

Adamdyqtyń qaınary

Rýhanııat • Búgin, 08:55

Berik Ýálı: Abaı men Alash

Rýhanııat • Búgin, 08:54

Qoǵamdyq uıym ókilderimen kezdesti

Qazaqstan • Búgin, 08:43

Uqsas jańalyqtar