Is-sharanyń mınıstrlik segmenti sheńberinde Qazaqstan delegasııa basshysy eldik málimdemesi barysynda Qazaqstannyń ulttyq, óńirlik jáne jahandyq deńgeılerde ornyqty damý maqsattaryn júzege asyrýdaǵy ilgerileýi týraly habarlady. Atap aıtqanda, Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev usynǵan bastamalardy júzege asyrý arqasynda adamdardyń múmkindikterin keńeıtý jáne áleýmettik ádilettilikti qamtamasyz etý salasyndaǵy biregeı nátıjeler atap ótildi. Sonymen qatar, M.Tileýberdi aýdıtorııaǵa tranzıttik-kólik áleýetin damytý salasyndaǵy, sonyń ishinde «Nurly jol» ınfraqurylymdyq damý baǵdarlamasy men «Bir beldeý, bir jol» Qytaı bastamasynyń túıisý kontekstinde eldiń jetistikteri týraly aqparat berdi. О́ńirlik kontekste «Astana» Halyqaralyq qarjy ortalyǵy, jasyl tehnologııalar men ınvestısııalyq jobalar halyqaralyq ortalyǵy, Memlekettik qyzmettiń óńirlik habynyń, Ortalyq Azııa ekonomıkalaryna arnalǵan BUU arnaıy baǵdarlamasynyń (SPEKA) qyzmeti jáne Almaty qalasynda Ornyqty damý maqsattary boıynsha BUU óńiraralyq ortalyǵyn qurý jónindegi bastama baıandaldy.
Is-shara sheńberinde Taılandtaǵy Qazaqstannyń Elshiligi Qytaı Halyq Respýblıkasynyń Turaqty ókildigi jáne AzTMEÁK Hatshylyǵymen birlesip "Bir beldeý, bir jol" bastamasy men Turaqty damý salasyndaǵy BUU-nyń 2030 jylǵa deıingi kezeńge arnalǵan kún tártibiniń ózara baılanysyna arnalǵan saıd ıvent uıymdastyrdy. Paneldik pikiralmasý barysynda Elshi Raýshan Esbýlatova ınfraqurylymdyq baılanystardy damytýdyń qazaqstandyq tájirıbesimen bólisip, Uly Jibek jolyn jańǵyrtý ıdeıasyn júzege asyrýdaǵy Qazaqstannyń rólin atap ótti.
Sessııa aıasynda M.Tileýberdiniń BUU Bas hatshysynyń orynbasary-AzTMEÁK Atqarýshy hatshysy A.Alısdjabana jáne QHR Syrtqy ister mınıstriniń kómekshisi J.Sýnmen ekijaqty kezdesýleri ótti.
