Atalǵan shákirtaqy oqý úlgerimi joǵary, qoǵamdyq jumystarǵa belsendi atsalysqan, sonymen qatar, ata-anasynyń qamqorlyǵynsyz qalǵan, múmkindigi shekteýli, kóp balaly jáne az qamtylǵan otbasynan shyqqan túrli oqý oryndarynyń 177 stýdentine taǵaıyndaldy.
«Árbir memlekettiń, qoǵam damýy jastarǵa baılanysty. Sebebi, jastarda jiger, qaırat, jańashyldyq, izdenimpazdyq bar. Sondyqtan, árbir memleket óziniń bolashaǵy úshin jastarǵa erekshe kóńil bóledi. Bıylǵy jyldyń «Jastar jyly» dep jarııalanýy sizderge úlken múmkindikter berdi. Bul – memleket tarapynan jas urpaqty qoldaýǵa baǵyttalǵan mańyzdy qadam» dedi oblys ákimi.
Qoldaýǵa ıe bolǵan jastar aımaq basshysyna alǵystaryn bildirdi.
Oblys ákiminiń jastardy qoldaýǵa arnalǵan jobasyna 15 oqý ornynyń 177 qujaty jiberildi, ıaǵnı 4 JOO-dan 137 qujat jáne 11 kásiptik-tehnıkalyq bilim berý uıymynan - 40 qujat. Bıyl stıpendııa kólemi joǵary oqý oryndarynyń stýdentteri úshin 160 myń teńgeni, kásiptik jáne tehnıkalyq bilim berý uıymdarynyń stýdentteri úshin 80 myń teńgeni quraıdy.
