Kezdesý barysynda munaı-gaz salasynda, sonyń ishinde Teńiz jáne Qashaǵan ken oryndaryn ıgerý jónindegi birlesken jobalardy iske asyrý aıasyndaǵy yntymaqtastyqtyń basym baǵyttary men ózekti máseleleri talqylandy.
Energetıka mınıstrliginiń derekteri boıynsha, bıyl Qashaǵanda 12,9 mln-ǵa jýyq tonna munaı jáne 8 mlrd gaz óndirý kózdelgen. Rekonstrýksııalaý jumystarynan keıin ken ornynda táýligine 70 myń barrel deńgeıinen bastap óndirý qaıta jańartyldy. Muny birtindep arttyratynyn eskersek, keleshekte kúndelikti kólem 370-400 myń barrel munaıǵa jetedi.
Sondaı-aq Teńiz ken ornynyń nysandarynda kúrdeli jóndeý jumystaryn júrgizý josparlanǵan. Buǵan qosa Hazar ken ornymen birge Qalamqas-teńiz ken ornyn ıgerý máselesi pysyqtalýda.
Kezdesýde ExxonMobil Qazaqstannyń mańyzdy seriktesi ekeni atalyp ótti, kompanııamen tyǵyz yntymaqtastyq elimizdiń munaı salasyn damytýǵa yqpal etedi.
