• 29 Mamyr, 2019

Ulttyq akademııalyq kitaphanada «JASTAR» COWORKING-ortalyǵy ashyldy

1584 ret

kórsetildi

3 mın

oqý úshin

Keshe Jastar jyly aıasynda Ulttyq akademııalyq kitaphanada «JASTAR» COWORKING-ortalyǵynyń ashylý saltanaty ótti.

Egemen Qazaqstan

Ulttyq akademııalyq kitaphanada «JASTAR» COWORKING-ortalyǵy ashyldy

Atalmysh mekeme Mádenıet jáne sport mınıstrliginiń Jastar jyly aıasynda ashyldy.

«JASTAR» COWORKING ortalyǵynyń ashylýy jastarmen jáne jastarmen jumys isteıtin mamandardyń jylynyń basty oqıǵasy bolmaq. Ortalyqta qalanyń jastar qoǵamdastyǵy úshin kitaphana qory men Ulttyq akademııalyq kitaphanadaǵy zamanaýı derekter qoryn qoldana otyryp, ártúrli bilim salalary boıynsha jańa tájirıbelermen tanysýǵa múmkindik beredi. Ortalyqta jastar úshin birtutas ıdeıalardy alǵa jyljytý úshin jańa jobalary iske asyrylyp, jańa bastamalar men shyǵarmashylyq alań bolyp tabylady.

«JASTAR» COWORKING-ortalyǵyn qurýdaǵy maqsat – semınar men konferensııalar, iskerlik kezdesýler, sondaı-aq ártúrli baǵytta sheberlik sabaqtaryn uıymdastyrý jáne jastardyń ózin-ózi damytýlary úshin shyǵarmashylyq, ǵylymı ortany jınaqtaý, onyń belsendi qatysýlaryn qoǵamdyq ómirge aralasýlaryn talpyndyrý boıynsha arnaıy is-sharalar uıymdastyrý bolyp tabylady. Eń bastysy – kitaphana jastarǵa aqparattyq qoldaýdy qamtamasyz etedi, óıtkeni ol aqparattyq jáne elektrondyq resýrstardyń mol qory bar, sondaı-aq qazirgi zamanǵy qyzmetter: elektrondyq ádebıetke tapsyrys, qujattardy elektrondy jetkizý, kitaphanashyǵa suraq qoıý jáne t.b. qyzmetterdi atqaratyn bolady.

«JASTAR» COWORKING-ortalyǵynyń paıdalanýshysy belsendi jastar, stýdentter, kásipkerler, frılanserler, sondaı-aq, ózin-ózi damytýǵa umtylǵan oqyrmandar bolady.

Is-sharanyń saltanatty ashylýyna Mádenıet jáne sport mınıstrliginiń Mádenıet jáne óner isteri departamentiniń dırektory Ábil Jolamanov, «Nur Otan» partııasy janyndaǵy «Jas Otan» JK Tóraǵasy Dáýlet Káribek, memleket jáne qoǵam qaıratkeri, jazýshy, fılologııa ǵylymdarynyń doktory, professor Myrzataı Joldasbekov, fılologııa ǵylymdarynyń doktory, professor, túrkolog Shákir Ibraev, jazýshy, etnodızaıner, «Altyn Orda» dızaın úıiniń bas dırektory, «Altyn sapa» prezıdenttik syılyǵynyń laýreaty Yrza Týrsynzada, jazýshy, aqyn, dramatýrg Baıanǵalı Álimjan, «Nur Otan» partııasy janyndaǵy «Jas Otan» JK uıymdastyrý-aýmaqtyq jumysynyń úılestirýshisi, «Bilim Ortalyǵy» partııalyq jobasynyń úılestirýshisi, «Qazaqstannyń 100 jańa esimi» respýblıkalyq konkýrsynyń laýreaty Jazıra Boltaeva, Qazaqstan halqy Assambleıasy janyndaǵy «Jarasym» respýblıkalyq jastar uıymynyń tóraǵasy, «Qazaqstannyń júz jańa esimi» respýblıkalyq baıqaýynyń jeńimpazy Djýmýrbaev Tımýr, «Qazaqstan jastarynyń kongresiniń» atqarýshy dırektory Tohtar Bolysov, jazýshy, aqyn, dramatýrg Baıanǵalı Álimjan, aqyn, «Daryn» memlekettik jastar syılyǵynyń laýreaty, Respýblıkalyq Jazýshylar odaǵy Astana fılıalynyń dırektory Dáýletkereı Kápuly, JOO-nyń basshylary, mádenıet mekemeleriniń basshylary jáne qalalyq kitaphana qyzmetkerleri qatysty.