Munaıly aımaqta muǵalim jetispeıdi

Bilim berý salasy qyzmetkerle­rimen ótken jıynda oblys ákimi Nurlan Noǵaev maman tapshylyǵyn joıý úshin elimizdiń ózge óńirlerinen tájirıbeli muǵalimderdi shaqyrý qajettigine nazar aýdardy. «Atyraýǵa kelip, jumys isteýge nıetti pedagog­ter­ge barlyq jaǵdaı jasap, turǵyn úımen qamtamasyz etýge daıynbyz»,­ degen aımaq basshysy maman iz­deý­di bilim berý basqarmasyna ǵana qal­­­­dyrmaı, jergilikti ákimder óz aýyl-aýdandarynyń muǵalimdermen qamtylýyna atsalysýlary kerek eke­nin atap ótti. Aımaqta, ásirese orys tilinde bilim beretin mektepterde mu­ǵalimder jetispeıdi. Oblys orta­ly­ǵynyń ózine 336 orystildi pedagog kerek.

Úsh aýysymdyq mektepter prob­lemasy da ózektiligin joımaı tur. Atyraý qalalyq bilim bóliminiń basshysy Farýza Shangereeva О́ńirlik kommýnıkasııalar qyzmetinde ótken brıfıngte qalada 13 úsh aýysymdyq mektep baryn aıtqan bolatyn. Iаǵ­nı, oqýshylar sany belgilengen kór­set­kishten 14 800-ge artyq. Másele to­lyq she­shimin tabýy úshin 20 mektep salynýy kerek. Qazir tórt bilim ordasynyń qurylysy júrip jatyr. Jyl sanap oblys ortalyǵynyń aýqymy keńeıip, jańa yqsham aýdandar boı kóterip, ha­lyq sany artyp kele jatqan tusta áleý­mettik nysandar qataryn da kóbeı­tý kún tártibine shyǵary anyq.

Jasyratyny joq, UBT qortyndy­lary boıynsha Atyraý oblysynyń kór­setkishi maqtanarlyqtaı dárejede emes. Bul – aldymen bilim berý salasy­ qyzmetkerleriniń biliktiligine syn. Sa­la qyzmetkerlerimen kezdesken aı­maq basshysy qazirgi jaǵdaı túbegeıli shara­lardy talap etip turǵanyn atap ótti. «Oqý oryndarynda bilim sa­pa­synyń tómendep ketkeni týraly shaǵymdar kóp. Saladaǵy jaǵ­daıdy ózgertý kerek, ár lıseı men gım­nazııaǵa tekserý júrgizý kerek», dedi N.Noǵaev. Eger mundaı erekshe bilim or­dalary tıisti talaptarǵa saı bolmasa, jalpy bilim beretin mektep már­tebesin qaıtaryp berý qajet. Sondaı-aq óńir basshysy arnaıy tu­jyrymdama daıyndap, pedagogter men dırektorlardy attestasııadan ótki­zýdi tapsyrdy.

Mektep dırektorlary memlekettik satyp alý rásimderine qatysady, biraq bul salany durys bilmegendikten, aǵat­tyq­tar jıi ketedi. Bul óz keze­ginde sapasyz taýar alýǵa, oqý pro­sesine keri áser etedi. Sondyqtan al­da­ǵy ýaqytta mektep dırektorynyń min­detin naqtylaý josparlanyp otyr. Bul jumys mem­lekettik satyp alý rásimderin júıe­lendirý jáne ortalyqtandyrý ar­qyly júzege asatyn bolady.

ATYRAÝ