Sharany uıymdastyrýshylar translıasııanyń 450 jyldan da asyp ketýi múmkin ekendigin aıtady. О́ıtkeni, plastmassanyń tabıǵı túrde joıylýy onyń quramyna tikeleı qatysty bolsa kerek. Sondyqtan, ázirge translıasııanyń qansha ýaqytqa sozylatynyn eshkim boljaı almaıdy. Degenmen, ekologtar translıasııa arqyly álem halqynyń nazaryn qorshaǵan ortanyń lastanýyna aýdarýdy kózdeıdi eken. Ári plastmassa ónimderdi tutyný mólsherin azaıtý qajet ekendigine de kópshiliktiń kózin jetkizbek. О́ıtkeni, búginde álemde 9 mlrd tonna plastmassa bar ekeni anyqtalǵan. Onyń 6 mlrd tonnasy qaldyq eken. Sol qaldyqtyń 10 paıyzy nemese 600 mln tonnadan astamy muhıttarda qalqyp júr. Sonyń saldarynan jer betindegi barlyq tasbaqanyń teń jartysynyń asqazanyna plastmassa qaldyǵy túsken kórinedi. Al sý qustarynyń 90 paıyzynyń asqazanynda plastmassa bar degen boljam aıtylyp júr. Sonymen qatar, ǵalymdar sońǵy 50 jylda plastmassa qaldyqtarynyń kesirinen jan-janýarlardyń 20 paıyzynyń tuqymy quryp ketkeni jaıly derekter keltiredi.
10 mamyrda bastalǵan translıasııa bul máselege kóńil aýdarýdy kózdegen alǵashqy shara emes. Birinshi translıasııa 30 naýryzda Portýgalııa astanasy Lıssabonda bastalǵan bolatyn. Ondaǵy translıasııany uıymdastyrýshylar osy shara arqyly arnaıy petısııaǵa 400 myń adamǵa qol qoıdyrýdy kózdepti. Sóıtip, álgi petısııany BUU-da ótetin jıyndarda álem elderi jetekshileriniń nazaryna usynýdy kózdese kerek. Qazirdiń ózinde petısııaǵa qol qoıǵandar sany áý bastaǵy mejeden asyp ketti. Al, Facebook translıasııa keıin bastaldy.
