Áńgimelesý barysynda saýda-ekonomıkalyq jáne ınvestısııalyq yntymaqtastyqtyń ózekti máseleleri talqylandy. 2018 jyly Qazaqstan men Japonııa arasyndaǵy taýar aınalymy 54%-ǵa ósip, $2 mlrd qurady.
Investısııalar, aýyl sharýashylyǵy, tehnologııalar, ınnovasııalar salalaryndaǵy Qazaqstan men Japonııa ekonomıkalary arasyndaǵy sınergııa keleshegi qaraldy. Taraptar atalǵan baǵytta eki eldiń kásipkerleriniń iskerlik baılanystaryn tereńdetýdiń jáne jańa ınvestısııalyq múmkindikter izdestirýdiń alańyna aınalatyn Qazaqstan – Japonııa bıznes forýmyn ótkizý múmkindigin talqylady.
Úkimet basshysy strategııalyq seriktestikti damytýdyń mańyzdy mánin atap ótip, Qazaqstannyń tehnologııalyq damý salasyndaǵy ózara is-qımyldy nyǵaıtýǵa degen qyzyǵýshylyǵyn rastady. Bul ónerkásip kásiporyndarynda eńbek ónimdiligin arttyrýǵa jol ashady jáne ekijaqty yntymaqtastyqqa jańa serpin beredi.
