Sportshy «klassıkalyq syǵymdap kóterý» tártibi boıynsha 175,5 kılo salmaqty kóterip, álem rekordyna ózgeris engizdi. Al jarystyń sońǵy kúni ol «jabdyqsyz shtangany jatyp kóterý» synynda 217,5 kılo salmaqty baǵyndyryp, jeńis tuǵyrynyń eń bıik satysyna ekinshi márte kóterildi.
– О́tken jyly álem chempıonatynda ekinshi oryn aldym. Osydan keıin aldyma altyn medal alyp, álemdik birinshiliktiń úsh márte jeńimpazy ataný maqsatyn qoıdym. Olımpııalyq emes sport túrinde bul nátıje «Eńbek sińirgen sport sheberi» ataǵyn alýǵa quqyq beredi. Armanyma jetkenime óte qýanyshtymyn, – dedi chempıon jáne rekordshy oblystyq dene shynyqtyrý jáne sport basqarmasynda óziniń qurmetine uıymdastyrylǵan baspasóz máslıhatynda.
Qaraman Abdýlkárim Shet aýdanyndaǵy Aqadyr kentinde turady. Sportshy oblystyq mamandandyrylǵan keshendi sport mektebiniń túlegi, qazirgi ýaqytta ol Qaraǵandy oblysynyń joǵary sport sheberligi mektebiniń qamqorlyǵyna alynǵan.
Aıta ketý kerek, Qaraman Abdýlkárimdi ákesi, 70 jastaǵylar arasyndaǵy ardagerlerdiń halyqaralyq jarystarynda júldeger bolyp júrgen Dáribaı Ospanov jattyqtyrady.
