1 maýsymda «Barys Arena» muz saraıynda «Juldyzaı» múmkindigi shekteýli balalar shyǵarmashylyǵynyń XIV Halyqaralyq festıvali jáne balalar men jastardyń mýzykalyq orkestri men ansamblderiniń sherýi ótedi.
Kóp balaly jáne az qamtylǵan otbasylardan shyqqan balalarǵa 750 tegin bılet taratylatyn bolady. Az qamtylǵan jáne kóp balaly otbasylardan shyqqan 2000-nan astam bala túrli is-sharalarǵa qatysa alady. Sondaı-aq barlyq uıymdastyrylǵan aksııalarda múgedektigi bar balalardyń qatysý múmkindigi qarastyrylǵan.
Sonymen qatar, 1 maýsymda qala boıynsha qoǵamdyq kólikte barlyq balalarǵa tegin jol júrý múmkindigi qarastyrylyp, jetim balalarǵa bir jolǵy tólemder belgilengen.
Odan bólek, 450 balaǵa bir rettik járdemaqy berý kózdelgen.
Aıta keteıik, 30 mamyr men 2 maýsym aralyǵynda «Han Shatyr» SOO aýmaǵynda Nur-Sultan Ethno Fest festıvali aıasynda elordada «Altyn jebe» atty sadaq atýdan I Álem chempıonaty ótedi. 31 mamyrdan 2 maýsymǵa deıin Beıbitshilik jáne kelisim saraıynda «Jas qanat» respýblıkalyq telefestıvali ótpek.
