Qala ákimi Nurlybek Máshbekuly qaladaǵy kópqabatty úılerdiń syrtqy turpatyn sáýlettik jáne estetıkalyq talaptarǵa saı sáıkestendirýge kómektesý úshin jergilikti qurylys kompanııalary basshylyǵyna ótinish bildirgen bolatyn.
Qala kásipkerleri bul usynysty qabyl alyp, týǵan ólkesin abattandyrýǵa kirisip ketti. Qaıyrymdy azamattardyń kómegimen byltyr da 100-ge jýyq kópqabatty úı tolyq jóndeýden ótken edi.
Ásilinde, «Turǵyn úı qatynastary týraly» zańnyń 35-babynyń 2-tarmaǵyna, 50-babynyń 1-tarmaǵyna sáıkes «Turǵyn úıdi qalypty jaǵdaıda kútip-ustaýǵa ketetin shyǵynyn óziniń ortaq menshiktegi úlesiniń kólemine qaraı óteıdi jáne páter ıeleri ortaq múlikti ózderiniń úlesterine teń mólsherde kútip-ustaý men paıdalaný boıynsha jalpy shyǵystarǵa qatysýǵa mindetti» delingen. Iаǵnı, ortaq menshigi bolyp tabylatyn turǵyn úıdi kútip-ustaý jáne jóndeý jumystaryn júrgizý tikeleı turǵyndardyń óz mindeti sanalady.
Zań osylaı degenimen ózderi turyp jatqan úıdiń árleý jumystaryn júrgizýge turǵyndardyń bári birdeı yqylasty emes. Belsendileri bolǵanymen kópshiliktiń qaltasy kótere bermeıtin jaǵdaılar da bolady. О́z úıiniń mashaqatyn Úkimettiń moınyna ilip qoıǵysy keletin, túımedeı nárseden túıedeı daý týǵyzyp, aqparat quraldary arqyly eldi ýlyǵan da shýlyǵan qylyp jatqandar da bar. Bul jaıt respýblıkamyzdyń ár túkpirinde kezdesedi. Anyqtaı kelgende belgili bolatyny, ákimdik tarapynan úı ıelerine kondomınımým arqyly jóndeýge kelisimshart usynylǵan. Biraq kúrdeli jóndeýden ótetin úıge aı saıyn belgilengen nesıe somany tóleýge turǵyndardyń yqylasy az. Al ákimdikte jekemenshik úılerdi tegin jóndep beretin qarjy joq. Úı syrtyn árleý, mańaıyn abattandyrý máselesi de osylaı tyǵyryqqa tirele beredi. Sondyqtan qala ákimi qaıyrymdy azamattardyń kómegine dilgir. Osylaısha bıýdjetke salmaq túsirmeı kópqabatty úılerdi árleý, shatyrlaryn jóndeý jumystary atqarylyp keledi.
