Arqa tórinde aqyn rýhy asqaqtady

Eń áýeli, Sáken Seıfýllın mura­jaıyn­da Sáken, Ilııas, Beıimbetke arnal­ǵan «Úsh arys» buryshynyń ashy­lý saltanaty boldy. Onda aıaýly tulǵalardyń forfordan jasalǵan músin­deri ornalasqan. Bir jylda dúnıe esigin ashyp, ónerde de, ómirde de úzeńgi qaǵy­syp qatar júrgen, ult úshin kúreste bir tóbeden tabylǵan arystardyń áde­mi músinderi budan bylaı Sáken Seı­fýl­lın mýzeıinde jarqyrap tura bermek.

Aıtýly shara «Úsh báıterek» kita­by­nyń tusaýkeserimen jalǵasyn tapty. Alyp tulǵalardyń tańdamaly shyǵar­ma­larynan qurastyrylǵan bul jınaq aıaýly aǵalarymyzdyń bıylǵy tarıhı mereıtoılaryna tamasha tartý bolmaq.

Mereıtoı «Sáken murasy – halyq qazynasy» atty ǵylymı-praktıkalyq konfe­rensııamen jalǵasty. Memleket jáne qoǵam qaıratkeri Oralbaı Ábdi­kárim aqyn toıy elimizdiń ár óńirinde atap ótiletinin jetkizdi. Sákentanýshy ǵalym Kúlásh Ahmetova ardaqty tulǵanyń esimi máńgilik el júreginde saqtalatyndyǵyn, óziniń bar ǵumyryn Sákenge arnaǵan áıgili ǵalym Tursynbek Kákishevtiń eren eńbegin tilge tıek etti. Sákentanýshy ǵalym Amantaı Káken bolsa ardaqty tulǵanyń el úshin istegen eleýli eńbekterine aıryqsha toqtaldy.

Jalpy, «Qazaqtyń irileri, Abaı­dyń inileri» atanǵan úsh arystyń esi­min ardaqtaý, Sáken murasyna sáken­ta­nýshylardyń eńbegin qosý, taldaý maqsatynda ótken mereıtoı kóptegen aýqymdy is-sharany qamtydy. Atalǵan mereıtoıǵa oraı Nur-Sultan qalasy Jastar teatrynda elimizge tanymal óner juldyzdarynyń qatysýymen «Sákenniń syrly sazdary» atty mýzy­ka­lyq konsert te ótti. Jalyndy jas­tar ardaqty tulǵanyń otty jyrlaryn jatqa oqydy. Elimizge tanymal óner jul­dyzdary Sáken Seıfýllınniń ásem ánde­rin tebirenispen shyrqady. Kóńildi tolqytar kúı oryndaldy.

Alash TURSYNÁLI,

Sáken Seıfýllın mýzeıi ekskýrsııa jáne tarıhı tanym bóliminiń qyzmetkeri