Osymen altynshy márte ótkizilip otyrǵan aksııanyń ereksheligi sol, 2013 jyly Almaty qalasynyń mańynda áýe apatynan qaza tapqan keden qyzmetiniń polkovnıgi, sportshy, abzal azamat, jerlesimiz, Qaısar Malǵajdarovty eske alýǵa arnalyp, marqumnyń atyndaǵy qaıyrymdylyq qory uıytqy boldy.
Dástúrli shara olımpıadalyq rezervtiń mamandandyrylǵan mektep-ınternat-kolledjinde ótýiniń ózindik máni bar. Keshen quramyna enetin sportqa mamandandyrylǵan sport mektep-ınternaty qabyrǵasynan Margarıta Mýkasheva, Aqan Baımaǵanbetov, Alekseı Lýsenko sekildi esimderi álemge belgili sport sańlaqtary túlep ushqan.
«Úlken sportty serik etken saıypqyran jastardyń qadamdaryna qoldaý jasap, jasap, iri dodalarǵa qatysýyn qamtamasyz etýdi basty baǵdar etip otyrmyz. Olar túrli dárister alyp, sport oshaqtaryna, «Qulager» ıppodromyna saıahat jasaıdy», deıdi deneshynyqtyrý jáne sport basqarmasynyń basshysy Rýslan Esenalın.
О́ńirdiń tanymal jattyqtyrýshylary men sportshylary alǵashqy kúni 45 jas balǵynmen kezdesip, óz tájirıbelerimen bólisti. Trenıng-sabaqtar barysynda qıyndyqtardy eńserý joldaryn ortaǵa saldy. Sport-ınternattyń túlegi Nurqoja Qaıpanov úlgi etildi. Erkin kúres sheberi osydan bir aı buryn 70 kılo salmaqta Azııa chempıony atanǵan bolaty. Al jýyrda Italııanyń Sassarı qalasynda ótken halyqaralyq týrnırde taǵy da top jardy.
Bıyldan bastap sport mektebin bitirgen úzdik túlekter kolledjge qabyldanyp, dıplom alyp shyǵady. Oqý merzimi– úsh jyl.
