Shyǵys Qazaqstan oblysynyń ákimi Danıal Ahmetov arnaıy kelip, Ortalyq alańda balalarǵa quttyqtaýyn, ıgi tilegin jetkizdi. Oblys ákimi Danıal Ahmetov kóp balaly analarǵa balalaryn jazǵy mezgilde saýyqtyrý úshin lagerlerge tegin sertıfıkattar tabys etti. Jáne 4 jasar balany qutqarǵan 8 jasar Vıktor Novoselovke QR Bilim jáne ǵylym mınıstrliginen marapat qaǵaz ben jazǵy demalysy úshin lagerge sertıfıkat tabys etti.
Halyqaralyq Balalardy qorǵaý kúninde qala boıynsha 10-nan astam merekelik alań jumys istep turdy. Qaladaǵy Abaı atyndaǵy jáne F. Dostoevskıı atyndaǵy drama teatrlarda «Qańbaq» jáne «Jıla-byla syroejka» atty ertegi qoıylymdar qoıyldy. Oǵan áleýmettik az qamtylǵan otbasylarynyń 500 balasy jáne múmkindigi shekteýli 200 bala tegin bardy.
Arnaıy áleýmettik kómek kórsetý Ortalyǵy da ózderiniń qaramaǵyndaǵy balalar úshin mereke uıymdastyrypty. Bul kúni kóptegen oryndarda balalar úıiniń balalary, jetim jáne ata-anasynyń qamqorlyǵynsyz qalǵan balalar úshin qaıyrymdylyq sharalary da molynan ótti.
Ásirese, balalar demalýdy bastaǵan mektep janyndaǵy lagerler, sport mektepteri men balalardyń bıologııalyq ortalyǵynda merekelik is-sharalar uıymdastyryldy. Spıdkýbıng boıynsha qala qurama komandasy osy oıyn taqtasyna qatysamyn degenderge sheberlik saǵattaryn kórsetti. Balalardyń jáne jastardyń Ortalyq alańda ótken mýzykalyq paradtary árkimdi bolsyn tańǵaldyrdy. Ár mýzykalyq ujym ózderiniń jetken jetistikteri men tabystaryn pash etti. Sherýge kolledjder men mektep oqýshylary qatysty. Sherý birneshe bólimnen turdy, atap aıtqanda patrıottyq, shyǵarmashyl-mektep, sporttyq jáne orta arnaıy dep ataldy.
- Sherýdiń maqsaty – bul «Máńgilik el» jalpy ulttyq ıdeıany iske asyrý jaǵdaılarynda mektep oqýshylary men stýdentteriniń estetıkalyq jáne patrıottyq tárbıesin damytý,-dedi Semeı qalalyq bilim bóliminń bastǵy Naalııa Fesenko,-bul Qazaqstan Respýblıkasynyń bilim jáne ǵylym Mınıstrliginiń bastamasy boıynsha qatarynan ekinshi jyl ótkizilip otyr.
Sherý mindetterine toqtalsa, tek balalar men jastardyń mýzykalyq mádenıetin arttyryp qoıý ǵana emes, sonymen qatar, óziniń bilim berý uıymyna degen maqtanyshy men tıistilik sezimin qalyptastyrý eken. Jáne respýblıkanyń oqý oryndarynyń mártebesin kóterý jáne jarnamalaý bolyp tabylady. Sherý bul bizdiń elimizdiń barlyq bilim berý uıymdaryn biriktiretin keń aýqymdy respýblıkalyq aksııa, dep túsindirdi N. Fesenko.
Qalanyń jalpy orta bilim beretin mektepteri, kolledjderi men qosymsha bilim beretin mekemeleri sherýge oraı dabylshylar otrıadyn, ansamblderdi, majoretkalardy, cherlıdırlerdi, hor, bı ujymdaryn daıyndapty. Sharaǵa barlyǵy 50 mektep, 7 uıym jáne kolledj qatysty.
Sherýden keıin balalar Ertis ózeni jaǵalaýyna shyǵyp, sol jerdegi oıyndarǵa, sporttyq sharalarǵa belsene atsalysty. Ertis ózeniniń jaǵalaýynda «Nurly bolashaq» respýblıkalyq aksııasy aıasynda balalarǵa arnalyp ótkiziletin mereke bastaldy. Baldyrǵandar ulttyq oıyndarǵa qatysyp, arqan tartty. Jáne Balalardy qorǵaý kúnine oraı eń uzaq sýret salyp, ony Qazaqstan tarıhyna, beıbit ómirine arnady.
Raýshan NUǴMANBEKOVA
«Egemen Qazaqstan»
