Keńeste qala jáne aýdan ákimderiniń orynbasarlary sarapshylarǵa jańa jobalaryn tanystyrdy.
Alǵashqysy - bıyl oblys ortalyǵynda Estaı Berkimbaev eskertkishi men mýzeıi ashylmaq. Eskertkish Estaı atyndaǵy mədenıet saraıynyń mańynda boı kóterse, mýzeı saraı ishinde ashylady.
Ekibastuz qalasynda «Týǵan jer» arnaıy jobasy boıynsha «Sábıler alleıasynda» jańa týǵan ərbir nəresteniń qurmetine ata-anasy belgilengen jerge aǵash otyrǵyzady.
Sonymen qatar Baýyrjan Momyshulyna arnalǵan monýment qalanyń ortalyq kósheleriniń birinde jasaldy.
Al «Uly dalanyń uly esimderi» jobasy aıasynda óńirdiń órkendeýine úles qosqan adamdar dáripteledi.
Aqsý qalasy men aýyldyq aýmaǵynda 6 joba júzege asyrylýda.
Iаǵnı «Aqsý tolqyny» atty birinshi respýblıkalyq dástúrli ánder konkýrsy ótkizilse, Baıǵabyl Jylqybaevtyń músini týǵan aýyly Qurkólde boı kóteredi.
Aqqýly aýdanynda halyq ártisi, kúıshi Rústembek Omarovtyń 100 jyldyǵyna oraı «Kúı óneriniń saryny» kúıshiler baıqaýy bastalady.
Jobanyń qortyndysynda Rústembek Omarovtyń «Jastyq shaq» kúıin aýdan jastarynan quralǵan 100 kúıshi bir ýaqytta oryndaıdy.
Jastar jyly aıasynda aýdannyń Jastar ortalyǵy «Jas shabandoz» jobasyna daıyndalýda.
Joba atqa otyrý mádenıetin úıretip qana qoımaı, «Er qanaty – at» estafetasy, asaý úıretý, aýdaryspaq sııaqty at sportyn keńinen nasıhattaıtyn sharalardan turady.
Al, Aqtoǵaı aýdanynda «Aqtoǵaıtaný» jobasy jalǵasyp jatyr.
2018 jyldan bastap ár mekteptiń 5-7 synyptarynda «Aqtoǵaıtaný» arnaıy kýrsy engizilgen. Osy arnaıy jobada jyl boıyna týǵan ólkeniń tarıhy, Aqtoǵaı aýdanynyń tarıhı tulǵalary men oqıǵalary, fızıkalyq-geografııalyq ornalasýy, tarıhı eskertkishteri oqytyldy.
Bul joba aıasynda túrli konkýrstar, kórkemsóz oqý saıystary men oqýlar ótkizilý qarastyrylǵan.
Baıanaýyl aýdanynda «Ruhty Qazaqstan» jobasy iske asyrylmaq. Joba aıasynda aýdandaǵy respýblıkalyq mańyzy bar 4 qasıetti orynǵa ekskýrsııalyq týr uıymdastyrylady.
Sharaǵa aýdannyń jas mamandary men belsendilikpen kózge túsken jastardy qoldaý maqsatynda, olardyń eńbegin baǵalap, jigerin kóterýge negizdelgen. Búgingi kúnde Baıanaýyl aýdanynda 40-qa jýyq jas memlekettik qyzmetshi bar.
Jelezınka aýdanynda «Rýhanı jańǵyrý» baǵdarlamasy aıasynda «Shabyt» balalar men Jastar ortalyǵy ashylady. Balalar men jastar ortalyǵynyń ashylýy aýdannyń da, jalpy oblystyń da shyǵarmashylyq áleýetine jaǵymdy áser etedi.
Ertis aýdanynyń ekojúıesin jaqsartýǵa baǵyttalǵan «Almaly baq – berekeniń qaınary» jobasy aıasynda 200 alma aǵashy otyrǵyzyldy.
Bul aımaqty keleshekte abattandyryp, demalys ornyna aınaldyrý kózdelgen.
Maı aýdany da «Alma baǵy» tamshylap sýarý təsilimen alma aǵashyn egip, ónim alyp, jastardy eńbekke baýlý jobasyn qolǵa aldy.
Tek joba bastalýyn bastalyp, sońyna jetpeı, aǵashtar óspeı, kútimsiz qalmasa bolǵany.
«Tildes» til ortalyǵy arnaıy jobasy aıasynda latyn grafıkasyn oqytý ortalyǵy jobasy iske asyrylýǵa usynylady. Oqytý ortalyǵy aýdandyq kitaphanada ashylady.
Tereńkól aýdanynda Jastar jylyn merekeleý barysynda Novosibir oblysyna is-sapar josparlanǵan.
Iаǵnı eki memleke arasynda ulttyq qundylyqtarymyzdy nasıhattap, dostyq qarym-qatynasty nyǵaıtý maqsaty kózdelgen.
Sonymen qatar osy aýdanda Seıdildá qajy Túıtebekulynyń kesenesin salýdy josparlap otyr.
«Sharbaqty aýdany tarıhyn jáne aýdan aýmaǵyndaǵy arheologııalyq eskertkishterdi zertteý jáne izdeý jumystaryn júrgizý» jobasy aıasynda aýdan aýmaǵyndaǵy arheologııalyq eskertkishterdi zertteý jáne osy eskertkishter jınaǵyn basyp shyǵarý kózdelgen.
«Aýylym – altyn qazynam» jobasy arqyly Ýspen aýdanynyń tarıhy túgendelmek. Kónekóz qarııalardan aýdan men aýyldyń qurylýy, ótken ǵasyrlardaǵy ańyz-ápsanalar jınaqtalady.
Sonymen birge Ýspen aýdanynyń mańynda arheologııalyq ekspedısııa múshelerimen birlese otyryp qorǵandar men úıindilerge qazba jumystaryn júrgizý jáne olardy zertteý jumystary josparlanýda.
Al Pavlodar aýdanyna Ońtústikten kóship kelgen otbasylar úshin «Arnaý» festıvali uıymdastyrylady.
