Otyrysqa jergilikti atqarýshy organdardyń, turǵyn úı ınspeksııasy, páter ıeleri kooperatıvteriniń ókilderi qatysty. Oblys ortalyǵyndaǵy 1758 kópqabatty úıdiń tek 35 prosentinde ǵana basqarý formalary bar. Qalǵandarynda ıe bolmaǵandyqtan kútim jumystary tyńǵylyqty júrgizilmeıdi. «Turǵyn úı kommýnaldyq sharýashylyǵyn jańǵyrtý» baǵdarlamasy aıasynda 168 kópqabatty úı kúrdeli jóndeýden ótip, bul maqsatqa 2,7 mlrd teńge jumsalǵan.
«Baǵdarlamanyń arqasynda tozyǵy jetken kondomınımým nysandarynyń sany 27 prosentten 17 prosentke deıin tómendedi. Ákimderdiń eseptik kezdesýlerinde bul másele turǵyndar tarapynan jıi kóterilip, baǵdarlamany qaıta qosýdy surady. Olardyń ótinishteri eskeriledi degen úmittemiz» dedi aımaq basshysy Qumar Aqsaqalov.
N. Sabılıanov óz sózinde qazirgi qoldanystaǵy zańnamalar turǵyn úı salasyndaǵy barlyq máselelerdi sheshe almaıtyndyqtan, zań normalaryna birqatar ózgeris engizý qajettigi týyndaǵanyn, Úkimet Parlament usynystaryn qarap jatqanyn jetkizdi.
Indýstrııa jáne ınfraqurylymdardy damytý mınıstriniń birinshi orynbasary Qaıyrbek О́skenbaev, Parlament Senatynyń depýtaty Erik Sultanov, taǵy basqalary turǵyn úı-kommýnaldyq sharýashylyq problemalaryn tilge tıek etip, sheshim joldaryn ortaǵa saldy.
Soltústik Qazaqstan oblysy
