Kompanııa óńirge uzyndyǵy –12 metr, al syıymdylyǵy – 82 jolaýshy bolatyn eki deńgeıli týrıstik elektrlik avtobýs jetkizetin boldy. Bul avtobýstar BYD batareıalary kómegimen jumys isteıdi jáne qýaty 200 shaqyrymǵa jetedi eken. Avtobýstar bıylǵy jyldyń sońyna deıin tolyq jetkizilmek. Kezdesý barysynda oblys ákimi jyl saıyn qatary artyp kele jatqan týrıster men zııaratshylarǵa jasalatyn qolaıly jaǵdaıdyń da jaqsarýy qajettiligin aıtty. О́tken jyly Túrkistan oblysyna 1,5 mln týrıst kelse, bıyl bul kórsetkish 1,7 mln adamǵa jetedi dep kútilýde.
Sondaı-aq qos tarap arasynda Túrkistan oblysy aýmaǵynda elektrlik batareıalar, kún panelderi jáne elektrlik avtokólikter men avtobýstar qurastyrý boıynsha óndiris ashý jóninde kelissózder júrgizildi. BYD sarapshylary bul jobaǵa qyzyǵýshylyq tanytyp, naryq áleýetin zertteıtin boldy. О́z kezeginde, oblys basshysy qytaılyq tarapqa óndiriske qolaıly jaǵdaılar jasalǵan arnaıy ekonomıkalyq aımaq pen ındýstrıaldy aımaqtardyń bar ekendigin aıtyp, ınvestorlarǵa jan-jaqty qoldaý kórsetiletindigin jetkizdi.
