Memleket basshysyna I – HIH ǵasyrlar aralyǵyn qamtıtyn respýblıkalyq mańyzy bar tarıhı eskertkish týraly baıandalyp, óńirdegi arheologııalyq qazba jumystarynyń nátıjesinde tabylǵan altyn, kúmis tıyndar, keramıkalyq qolóner buıymdary jáne basqa da qundy jádigerler tanystyryldy.
Sonymen qatar, «Shahrıstan – kóne Taraz» kesheniniń maketi kórsetilip, aldaǵy josparlary týraly aqparat berildi.
– Kóne Tarazdyń tarıhy áli de zerttele beredi. Bul jumystarǵa turaqty qoldaý kórsetiledi. Bul salada halyqaralyq deńgeıdegi mamandar kóp. Bizge ýnıversıtetterde týrızm bıznesi boıynsha mamandar ázirleýdi qolǵa alý kerek, – dedi Qasym-Jomart Toqaev.
«Kóne Taraz» saıabaǵy keleshekte halyqaralyq týrıstik orynǵa aınalady dep kútilýde. Oblysqa ótken jyly 145 myń týrıst kelse, bıylǵy jyldyń alǵashqy úsh aıynda tarıhı oryndy 16 myń adam tamashalaǵan.
