Asqaq murat, jalyndaǵan jastar

Salalyq kásipodaq qyz­metkerleri, áleýmettik áriptester, Aqmola, Qos­­tanaı, Qyzyljar óńir­lerinen jınalǵan delegattar aldynda sóı­le­gen sózinde Qazaq­stan ká­sip­odaqtar federa­sııa­sy­nyń tóraǵasy Baqytjan Áb­diraıym Jastar jyly aıasynda uıymdastyrylyp otyrǵan dıalog alańy­nyń mán-mańyzyna toq­talyp, ómirlik eńbek us­ta­nymdaryn, yntalan­dyrý qaǵıdattaryn qa­lyp­tastyrý, jańa mamandyq­tardy meńgerý, toǵyshar­lyq psıhologııadan arylý, zańdy quqyq­taryn bilý máseleleri boıynsha ashyq tal­qylaýǵa bir kisideı qa­tysyp, usynystar aıtý­ǵa shaqyrdy. Elimizdiń qoǵamdyq ómirinde, naqty ekonomıka salasynda jas­tarymyzdyń alatyn orny zor. Biz kásipodaq tarapynan qordalanǵan túıtkil­der men kedergilerdi joıýǵa árkez kómektesip otyramyz. Federasııaǵa 2 mıllıonǵa jýyq adam múshe bolsa, úshten biri – jastar. Olar­dan belsendi is-qımyl, básekege qabylettilik qary­myn kútemiz, dedi ol sóziniń sońynda.

Aqmola oblysynan kelgen Dáýlet Esqaqov kadr tap­shylyǵyn teriskeı aı­maq­­tardaǵy ózekti máse­lelerdiń birine atady. Ol jas mamandardyń tu­raqtamaýyn áleýmettik jaǵdaılardyń tolyq jasalmaýymen baılanys­tyrdy. Aýyl jastary je­ke kásip qurýǵa, shaǵyn bıs­nespen aınalysýǵa nıet­­tengenimen, sharasyz. Sebebi nesıe alaıyn dese, kepilge qoıatyn dúnıe-múl­ki joq. Ekinshiden, «Dıp­lommen – aýylǵa!» baǵ­dar­lamasy arqyly or­nyq­qan jastar úshin baspana satyp alýǵa beriletin qarajattyń kólemin 2000 aılyq eseptik kórsetkishke deıin ulǵaıtqan durys. Qazir na­ryqtaǵy úılerdiń baǵasy qymbat. Úshin­shiden, óndiristik tájirıbege kel­gen stýdentter ishki jańa­lyqtardan habarsyz bolyp jatady. Sondyqtan úı­retýshi tálim­gerler, kýratorlar taǵaıyndaý dás­túrin qaıta jańǵyrtqan jón.

Petropavldaǵy I.Dáýi­tov atyndaǵy qyzmet kór­setý salasy kolledjiniń stýden­ti Snejana Beldiń aıtýynsha, tehnıkalyq bilim berý uıymdarynda materıaldyq-tehnıkalyq baza eskirgen, jańalaýdy qajet etedi. Tipti qarapaıym qural-jabdyqtardyń ózi qat. Zamanaýı quryl­ǵy­lardy qalaı paıdalanýdy bilmegendikten kásibı bilim­dilik kemshin túsip jatady. О́ndiristik tájirıbeden ótkenderge eńbekaqy tóleý usynysy da aıaqsyz qalyp keledi. Osy jaǵynan ju­mys berýshilerdi mindet­teıtin pármendi shara kerek sekildi. Qostanaı oblysy S.Baımaǵambetov atyndaǵy Áýlıekól mek­tep-gımnazııasynyń mu­ǵalimi Anastasııa Jýkova shetelderde tájirıbe jı­­naq­taýǵa múm­kindik be­ril­se degen ótinishin aıtty. «Men aǵylshyn tilin úı­rený kýrsynan ót­tim. Bi­li­mimdi odan ári je­til­dirgim, tolyqtyrǵym ke­ledi. Syrt jerde bilim be­rýdiń, oqy­týdyń tyń tá­sil­de­rimen tanysý artyq­tyq et­pes edi», dedi jańashyl ustaz.

Jınalǵandar aýyl sha­rýashylyǵy salasynyń naǵyz kásip ıesi, Ýálıhanov aýdany «Joldasbaı-Agro» JShS-niń baq­tashysy Raýan Bralınniń sózin uıyp tyńdady. Tógilgen terdiń óteýi retinde keýdesinde úshinshi dárejeli «Eń­bek dańqy» ordeni jarqyraıdy. Ol bar baqytyn aýyldan taýyp, kásibı biliktilik­tiń ozyq ónegesin kórsetip ke­ledi. «Eńbek etseń emer­sińniń» bir mysaly bul! Respýblıkalyq aýyl sha­rýashylyǵy ardagerleri keńesi basqarmasynyń tór­aǵasy Mıhaıl Troshıhın, «Akademy of labour relations» mekemesiniń bas dırektory Bıbigúl Nurasheva, Sol­tústik Qazaqstan oblystyq kásipodaqtar birlestiginiń jetekshisi Erik Nuraqaev, jergilikti kásip­kerler pa­latasynyń dırektory Darhan Qalıev, taǵy bas­qalary jasaǵan baıanda­malary men sóılegen sózde­rinde jas ma­man­dardyń eńbek jolynda kezdesetin kedergilerdi eńserýdiń joldaryn ortaǵa saldy.

Esil aýdany «Azııa-Torańǵul» JShS-niń bas­shysy A.Golserdiń jas­tarǵa qamqorlyǵy ózge­ler­ge úlgi etildi. Mun­da ondaǵan baspana, feld­sher­lik-akýsherlik pýnkt turǵyzylyp, mádenıet úıi qalpyna keltirilipti. Ma­mandardy qysqa merzimdi kýrstarda oqytyp, sheber­ligin jetildirý maqsatymen jylyna 1,5 mıllıon teńge baǵyttalady. «Aq­seleý», «Nejınka-Erke», «Mám­betov jáne K», «Gýsakovka», «Qos aǵash» sekildi sharýa­shylyqtarda da jas ma­mandar úshin birqatar áleý­mettik jeńildikter qaras­tyrylǵan.

B.Ábdiraıym kásip­odaqtar qozǵa­lysynyń bel­sendilerine 300 myń teń­geniń aqshalaı sertıfıkattaryn tabys etti.

Soltústik Qazaqstan oblysy