Barlyq eńbekke jaramdy qonys aýdarýshylar jergilikti kásiporyndar men mekemelerde jumyspen qamtamasyz etilmek. Al balalary balabaqsha men mektepterge ornalastyrylady. Olarǵa ataýly áleýmettik kómek taǵaıyndaý úshin qujattardy rásimdeýge járdem kórsetiledi. Búgingi tańda Ekibastuz qalasy ákimdigi eldiń eńbek kúshi mol óńirlerinen qonys aýdarýshylarǵa 283 páter berýge daıyn, onyń ishinde 89 – úsh bólmeli, 108 – eki bólmeli, 86 bir bólmeli páterler bar.
«Elbasynyń tapsyrmasy boıynsha elimizde jumyspen qamtýdy qamtamasyz etý, azamattardyń áleýmettik osal toptaryn qoldaý, halyqtyń ál-aýqaty men ómir súrý sapasyn arttyrý boıynsha keshendi sharalar júzege asyrylýda. Osyǵan baılanysty Pavlodar oblysy ákimdiginiń bastamasymen «Nurly Ertis» biregeı baǵdarlamasy iske qosyldy. Barlyq kóship kelýshilerge jan-jaqty qoldaý kórsetiledi. Ekibastuzda kóptegen iri ónerkásiptik kásiporyndar jumys isteıdi, kásipkerlik jaqsy damyǵan, sondyqtan ony Qazaqstannyń damyǵan jáne perspektıvaly qalalarynyń biri dep ataýǵa bolady. Bul oń tájirıbeni elimizdiń basqa da eńbek kúshi tapshy aımaqtarynda paıdalaný qajet», dedi B.Saparbaev.
О́ńir basshysy B.Baqaýov óz sózinde Pavlodar oblysy respýblıkadaǵy bilim berý salasyndaǵy kóshbasshylardyń biri ekenin atap ótti.
«Bizdiń balalarymyz halyqaralyq jáne respýblıkalyq pándik olımpıadalarda júldeli oryndardy ıelenedi, al úsh jastan asqan balalar balabaqshalardaǵy oryndarmen 100% qamtamasyz etilgen. О́nerkásip belsendi damýda, Qazaqstanda buryn óndirilmegen ónim shyǵaratyn jańa kásiporyndar ashylýda. Sondyqtan Pavlodar oblysynda «Nurly Ertis» baǵdarlamasyn iske asyrý óte oryndy. Osy baǵdarlama boıynsha Nur-Sultan qalasynan Ekibastuzǵa ómirlik qıyn jaǵdaıǵa tap bolǵan 50 kóp balaly otbasy kóship keldi. Biz olardy turǵyn úımen, jumyspen, balabaqshalar men mektepterdegi oryndarmen qamtamasyz etemiz. Biz qonystanýshylarǵa kómektesýge mindettimiz jáne bizdiń óńir olar úshin naǵyz óz úıindeı bolady dep úmittenemiz», dedi oblys ákimi.
Budan keıin mınıstr men ákim «Dara» qaıyrymdylyq qorynyń qoldaýymen «Samruk-Kazyna Trust» áleýmettik jobalardy damytý qorymen birlese otyryp, Ekibastuz qalasynyń №2 mektebiniń bazasynda ashylǵan psıhologııalyq-pedagogıkalyq túzetýge arnalǵan balalar kabınetiniń jumysymen tanysty.
Jobanyń maqsaty – erekshe bilim berýdi qajet etetin balalar men olardyń otbasylaryna tıimdi kómek kórsetý.Túzetý kabınetinde erekshe bala defektolog, psıholog, logoped, EDSh nusqaýshysy jáne t.b. sııaqty mamandar tobynan keshendi bilikti kómek ala alady. Kabınet tolyq qajetti jabdyqtarmen, onyń ishinde Montessorı ádistemesi boıynsha, EDSh boıynsha sabaq ótkizýge arnalǵan qural-saımandarmen, tıflo jáne sýrdojabdyqtarmen, «Delfa» logopedııalyq apparatymen, sondaı-aq barlyq qajetti ádistemelik quraldarmen jabdyqtalǵan.
Jumys saparynyń sońynda Berdibek Saparbaev Ekibastuzǵa elordadan kóship kelgen otbasylardyń mektepke deıingi jastaǵy balalary baratyn №27 «Erkem-aı» balabaqshasyna bardy.
Pavlodar oblysy
