«AZMK» JShS bas dırektory Shýhrad Shardınovtyń aıtýynsha, shpal shyǵarý óndirisi ónimniń termoylǵaldaný kestesin baqylaıtyn avtomatty baǵdarlamamen qamtamasyz etilgen. Avtomattandyrý júıesi ýaqytty eki esege deıin qysqartyp, ónimdilikti eki, óndiris alańdaryn tórt ese arttyrýǵa múmkindik beredi.
Almaty kópir konstrýksııalary zaýytyndaǵy temir jol shpaldaryn shyǵaratyn óndiris ornynyń ashylýyna qala ákimi Baýyrjan Baıbek qatysyp, qaladaǵy 1,5 myń óndiris oryndarynyń jumysy jaıynda, sondaı-aq búginde AZMK salasynda eńbek etip jatqan bes júzden astam jumys kúshiniń áleýetine toqtaldy. Qala basshysynyń aıtýynsha, búginde «Nurly jol» baǵdarlamasy aıasynda kólik ınfraqurylymy qarqyndy damyp kele jatqanyna baılanysty kásiporyn ónimderine suranys joǵary. Al jumysshy mamandyǵyna qashanda qurmet joǵary, dep atap ótti qala basshysy.
Qazirgi kezde megapolıste «Bıznestiń jol kartasy-2020» jáne «Jibek joly» qalalyq baǵdarlamasy arqyly otandyq kásiporyndarǵa qoldaý kórsetý aıasy barynsha artyp keledi. Investısııalyq ahýaldyń jaqsarýymen baılanysty aǵymdaǵy jyldyń úsh aıy ishinde ǵana sheteldik ınvestısııalar 21,4 paıyzǵa artyp, 111,1 mlrd teńgeni qurady. Osynyń dálelindeı, Alataý aýdanyndaǵy Indýstrııalyq aımaqta quny 144 mlrd teńgeni quraıtyn 39 joba júzege asýda. Japonııa, Gonkong, Qytaı, Reseı, sondaı-aq nemis kapıtalynyń qatysýymen 5 zaýyt ashyldy. Onyń ishinde jylyna qýaty 550 myń tonna turmystyq qatty qaldyqtardy suryptaıtyn keshen, elektravtobýstardyń úshinshi býynyn jasap shyǵaratyn zaýyt, t.b. bar.
ALMATY
