Kezdesýde Qazaqstannyń Tuńǵysh Prezıdentine Assambleıanyń qazirgi qyzmeti jáne HHVII sessııada aıtylǵan mindetterdi júzege asyrý úshin qolǵa alynyp jatqan sharalar týraly málimdeldi.
Nursultan Nazarbaev Assambleıanyń turaqtylyqty saqtaý jáne qoǵamnyń birligin nyǵaıtý úshin atqarylyp jatqan jumystardyń mańyzdylyǵyn atap ótti.
– Qazaqstan halqy Assambleıasy qoǵamdy biriktiretin qurylym. Ár óńirde kishi assambleıalar jumys isteýde, dostyq úıleri ashyldy. Qazir elimiz úshin turaqtylyqtyń mańyzy zor. Turaqtylyq bolmasa, barlyq jetistikterimizden aıyrylamyz. Sondyqtan, Qazaqstan halqy Assambleıasynyń basty mindeti – halyqtyń birligin nyǵaıtý úshin qoǵamdy jumyldyrý, – dedi Elbasy.
J.Túımebaev etnomádenı birlestikterdiń Qazaqstan Respýblıkasynyń Tuńǵysh Prezıdentine beıbitshilik pen kelisimdi saqtaǵany, sondaı-aq el ekonomıkasyn damytý isindegi jetistikteri úshin zor rızashylyq bildiretinin atap ótti.
