Konferensııanyń birinshi bóliminde salyq tóleýshilerge Qazaqstandaǵy shaǵyn jáne orta bıznes sýbektilerine arnalǵan salyqtyq raqymshylyqtyń júrgizilý barysy týraly baıandaldy.
Semınardyń ekinshi bólimindegi suraqtar kameraldyq baqylaý ótkizýdiń keıbir aspektilerimen baılanysty boldy.
Atalǵan suraq boıynsha Memlekettik kirister komıtetiniń qashyqtan monıtorıng jasaý basqarmasynyń basshysy Ánýar Súleımenov spıker retinde baıandama jasady. Ol qazirgi ýaqytta salyqtyq ákimshilendirý ekpini salyqtyq tekserýlerden kameraldyq baqylaýǵa aýysqany týraly atap ótti. Bul - salyq deklarasııalaryn ózara salystyrý arqyly nemese basqa aqparat kózderinen alynǵan aqparatpen salystyrý arqyly júzege asyrylatyn salyqtyq baqylaýdyń bir túri.
Kameralyq baqylaýdyń negizgi maqsaty - salyq tóleýshige aıyppul salmaı, zań buzýshylyqtardy óz betinshe joıýǵa múmkindik berý.
Máselen, ótken kezeńde «belsendi», ıaǵnı aınalymdary bar salyq tóleýshilerdiń árbr onynshysyna ǵana habarlama jiberildi.Sonymen qatar, 2018 jyldyń ótken kezeńinde uqsas kezeńmen salystyrǵanda habarlandyrý sany 20% -ǵa artyp, 95 myńnan 117 myńǵa deıin ósti.
Habarlamar sany kóbeıgen saıyn, ónimdilik ındıkatory paralleldi túrde ósip 63% qurap ósip keledi.О́tken jyly kameraldyq baqylaý nátıjesinde salyq tóleýshiler qosymsha deklarasııalar tapsyryp, jınaqtalǵan jáne óndirilgen salyq somasy 127,3 mlrd. teńgeni qurady.
Alaıda salyq tóleýshilerdiń habarlamalaryn oryndamaý jaǵdaılary bar. 29 myń oryndalmaǵan habarlamalardyń banktiń shottary toqtatylǵan, olardyń 10% nemese 3 myń salyq tóleýshiniń shoty tolyq jaýap bermeýine baılanysty jabylyp, tıisinshe memlekettik organdardyń habarlamany oryndamaǵany týraly sheshimderi qabyldandy.Salyq tóleýshilerdiń túsiniktemelerin qabyldamaý sebebinen, salyq organdarynyń bank shottaryn «jabý» boıynsha qabyldaıtyn sharalaryn zańsyz dep taný - salyq tóleýshilerdiń negizgi shaǵymdary bolyp tabylady.
Qazirgi ýaqytta, Salyq kodeksinde habarlama qabyldanbaǵan dep taný týraly jazbasha sheshim qabyldanyp, salyq tóleýshige jiberiledi.Sheshim qabyldanǵannan keıin salyq tóleýshi ýaqytyly is-áreket jasap, zań buzýshylyqty joıýǵa tıis.
Eger salyq tóleýshi sheshim boıynsha zań buzýshylyqty habarlamanyń merzimi aıaqtalǵanǵa deıin túzetse, onda qarjylyq shyǵys operasııalaryna toqtatylý qoldanylmaıdy.
Salyq kodeksi kameraldyq baqylaý habarlamasyna qatysty shaǵym berilip habarlamanyń oryndalý merzimin toqtatý quqyǵy qarastyrylǵan.
Sondaı-aq Ánýar Súleımenov kameraldyq baqylaý bóliginde salyq tóleýshiler men memlekettik kirister organdarynyń ózara áreket etýi boıynsha 2020 jyldan bastap qoldanysqa enetin jańashyldyqtar týraly baıandady.
