Bul kórsetkish ótken jylǵa qaraǵanda 12 ese kóp. Qazir bilim oshaqtaryna kúrdeli jóndeý bastalyp ketken. Aımaq basshysy Qumar Aqsaqalov jóndeýdi qajet etetin mektepterde bolyp, atqarylyp jatqan jumystardyń barysymen tanysty. BAQ ókilderine bergen suhbatynda keı ǵımarattarda aýqymdy jóndeý jumystary múldem atqarylmaǵanyn atap kórsetti.
«Birinshi kezekte nysannyń shatyry, terezeleri men jylytý júıesi aýystyrylýy qajet. Jaryqtandyrýǵa da asa mán beretin bolamyz. «Balalarǵa jyly, jaryq ári yńǵaıly bolýy kerek. Basty ustanym osy. Oqýshylar synyptarda tońyp otyratyn jaıttar az ushyraspaıdy. Budan keıin qandaı oqý sapasy jaıly aıtýǵa bolady?», dedi Qumar Irgebaıuly.
О́ńir basshysy qala ákimdigine, bilim basqarmasy men merdigerlerge qarajatty maqsatty jumsaýdy tapsyrdy. Bir-eki jyldan keıin syr berip jatsa qatań sharalar qoldanylatyn eskertti.
Asyǵystyqqa salynǵan qurylysshylar tarapynan olqylyqtar jıi jiberiledi. Oǵan jol bermeýge mindettimiz. Máselen, tereze durys salynbasa merdiger aıyppul tóleýi tıis, degen oblys ákimi tikeleı ózi qadaǵalaýǵa alatynyn qadap aıtty.
Qalpyna keltiriletin 120 mektepte 35 myń bala oqıdy eken. Bul óńirdegi barlyq oqýshylardyń teń jartysyna jýyǵy.
