Bilim basqarmasynyń basshysy Gúlmıra Kárimovanyń aıtýynsha, mundaǵy bilim men tálim-tárbıe sapasy kóńil kónshite bermeıdi. Sondaı-aq ınternat úlgisindegi bilim ordalaryna jumsalatyn shyǵyn da az emes. Osyndaı túıtkildi máselelerdi sheshý maqsatymen bıyl engizilgen «Ýaqytsha otbasy» pılottyq jobasy óz tıimdiligin kórsetip, odan ári jalǵasyn tabatyn bolady.
Oblys ákimdiginiń otyrysynda «Ýaqytsha otbasy» jobasynyń oryndalý barysy talqylanyp, 485 bilim oshaǵynyń 78 prosenti shaǵyn mektepterge jatatyny belgili boldy. 229 eldi mekende oqý oryndary múldem joq. Balalar kórshi aýyldarǵa kúndelikti qatynaýǵa bolmasa ınternattarda turýlaryna týra keledi. Baǵdarlama qolǵa alynǵaly 31 mekteptiń oqýshylary ýaqytsha patronatqa berilipti. Balalar úıdegideı tálim-tárbıe alady. Únemi qadaǵalaýda bolatyndyqtan, sabaqty negizsiz bosatý, aýa raıynyń qolaısyzdyǵynan mektepke kelmeı qalý sekildi faktilerdiń azaıǵany baıqalady.
«Mektebi joq aýyldyń oqýshysyn basqa eldi mekendegi otbasy ýaqytsha qolyna alady. Olar balanyń oqý úlgirimine, tártibine tolyq jaýap beredi», deıdi Gúlmıra Raıynbekqyzy. Pılottyq joba úsh aýdanda júrgizilip, 61 bala 54 otbasyǵa ornalastyrylǵan. Máselen, M.Jumabaev aýdanynda 15 otbasy 17 balany qabyldasa, onyń 13-i– oqýshylardyń týystary. Balany qamqorlyǵyna alǵan otbasyǵa aı saıyn 45 myń teńge mólsherinde eńbekaqy men 7 AEK kóleminde qosymsha aqy tólenedi.
Aımaq basshysy Qumar Aqsalov jobaǵa ózge aýdardardy da tartý qajettigin, jańa oqý jylynda oǵan qatysýshylar sanyn eki esege deıin arttyrý múmkindikterin qarastyrýdy, turǵyny az shaǵyn aýyldar ýaqyt óte kele jabylatynyn aldynala eskerip, kúniburyn qam jasaýdy tıisti oryndarǵa júktedi.
Soltústik Qazaqstan oblysy
