Qoǵam • 05 Maýsym, 2019

Bıyl 2 mıllıon bala lagerde demalady

1070 ret

kórsetildi

2 mın

oqý úshin

Ortalyq kommýnıkasııalar qyzmetiniń alańynda «Balalar men jasóspirimderdiń jazǵy demalysyn jáne saýyqtyrylýyn uıymdastyrý, balalarǵa qatysty zorlyq-zombylyqtyń aldyn alý jáne olardyń qaýipsizdigin qamtamasyz etý» taqyrybynda baspasóz konferensııasy ótti.

Maıgúl SULTAN

Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııa tóraıymynyń orynbasary Elena Tarasenkonyń aıtýynsha, elimizde 6 mıllıonǵa jýyq bala bar. Bul Qazaqstan halqynyń úshten birin quraıdy.

Jaz kúnderi elimizde 236 qala syrtyndaǵy lager, 11 myńǵa jýyq mektep janyndaǵy lager, 1700-den astam shatyrly lager jumys isteıdi. Onda 2 mln 842 myń oqýshy qamtylmaq. Al respýblıkadaǵy lagerlerde 2,1 mln astam oqýshy demalady. Qala syrtyndaǵy balalardy saýyqtyrý uıymdaryn respýblıkamyzdyń ońtústik óńirlerinde 1-10 maýsym aralyǵynda, basqa óńirlerde 15-20 maýsymnan keıin ashý josparlanýda.

«Saýyqtyrý uıymdarynyń daıyndyǵy qajetti deńgeıde júrip jatqan joq. Tek 48 qala syrtyndaǵy balalardy saýyqtyrý uıymy ǵana sanıtarlyq-epıdemıologııalyq qorytyndy alǵan», dedi Densaýlyq saqtaý vıse-mınıstri Kamaljan Nadyrov.

Onyń aıtýynsha, mınıstrliktiń baqylaýynda 7 myńnan astam balalardy saýyqtyrý uıymy bar, onyń ishinde 236-sy – qala syrtyndaǵy balalardy saýyqtyrý uıymy. Sondaı-aq Densaýlyq saqtaý vıse-mınıstri «Monıtorıng nátıjesi balalar lagerinde azyq-túlikke baılanysty jaǵdaılardyń jıi oryn alatynyn anyqtady. Iаǵnı, tamaq ónimderiniń laboratorııalyq zertteýge saı kelmeýi, durys daıyndalmaýy jáne saqtalýy jaǵynan máseleler týyndaıdy», dedi.

Ishki ister mınıstriniń birinshi orynbasary Marat Qojaevtyń aıtýynsha, maýsym aıynda polısııada esepte turǵan jasóspirimderdiń jumyspen qamtylýyn qamtamasyz etý úshin IIM «Jumyspen qamtý» aksııasyn ótkizýdi josparlap otyr. Qoǵamdyq tártipti saqtaýǵa, onyń ishinde jazǵy lagerler aýmaǵynda polısııanyń aýmaqtyq organdarynyń 3 myńnan astam qyzmetkeri jumyldyrylady.