«Habarlama boıynsha Ońtústik óńirlik aeroutqyr jedel qutqarý jasaǵynyń 6 qutqarýshysy 2 birlik tehnıkamen oqıǵa ornyna bardy. Er adamnyń denesin sýdan shyǵardy. Budan keıin marqumnyń denesi polısııa qyzmetkerlerine berildi», - deıdi Qyzylorda oblystyq Tótenshe jaǵdaılar departamentiniń baspasóz qyzmeti.
Belgili bolǵandaı bul azamat 1958 jyly dúnıege kelgen Qyzylorda qalasynyń turǵyny eken.
Búgingi kúnge deıin Qyzylorda oblysynda 10-ǵa jýyq adam sýǵa ketti. Onyń jartysyna jýyǵy balalar. Byltyr 22 adamnyń sýǵa ketken deregi tirkelgen edi. Endi shilińgir shildeniń aptaby bastaldy. Kólge túsýshiler kóbeıedi. Oblystyq Tótenshe jaǵdaılar departamenti olarǵa abaı bolý jaǵdaıyn eskertedi.
