Jaqynda sheteldik BAQ ókilderin akkredıtteý prosesi aıaqtaldy. Elektoraldy kezeńde Qazaqstan Syrtqy ister mınıstrligi Ortalyq saılaý komıssııasymen (OSK) birlesip shet memleketterden, halyqaralyq uıymdardan, sondaı-aq sheteldik BAQ ókilderin akkredıtteý máseleleri boıynsha tıisti jumystar atqaryldy.
Jalpy, SIM álemniń 40-tan astam elinen 227 sheteldik korrespondentti akkredıttedi. Sonymen qatar mınıstrlik janynda turaqty negizde sheteldik BAQ-tyń 121 sheteldik korrespondenti tirkelgen. Bul álemdik qoǵamdastyqtyń bizdiń elimizge degen joǵary qyzyǵýshylyǵynyń jáne memlekettiń saıası jáne áleýmettik ómirindegi bolyp jatqan ózgeristerdiń aıqyn kórinisi.
Sheteldik jýrnalıster syrtqy saıası vedomstvo bergen turaqty nemese ýaqytsha akkredıtteý týraly kýálik bolǵan jaǵdaıda saılaýdy baıqaýdy júzege asyrýǵa quqyly ekenin atap ótken jón.
Sonymen qatar «Saılaý týraly» Konstıtýsııalyq zańda shet memleketter men halyqaralyq uıymdardyń baıqaýshylaryna, sondaı-aq sheteldik BAQ ókilderine akkredıtteý týraly kýálikti usynǵan jaǵdaıda aýdarmashymen ilese júrip saılaýǵa qatysýǵa múmkindik beretin norma bekitilgen.
