«Qalyń jurtshylyq latyn grafıkasyn rýhanı órkenıettiń bir belgisi retinde jyly qabyldap, jańa dáýirlik kezeńge kóshý jáne jańa aqparattyq keńistikke shyǵý maqsatyndaǵy irgeli betburys retinde baǵalaıdy. Latyn grafıkasyna oqytý aýdıtorııasyn ashý ıdeıasy Úkimettiń 2018 jylǵy 13 naýryzdaǵy ókimimen bekitilip, 2025 jylǵa deıin kezeń-kezeńmen kóshirý is-sharalar túzilgen bolatyn», deıdi aǵa oqytýshy Gúlnár Áljanova.
Latyn grafıkasyna oqytý aýdıtorııasyn ashý rásimine M.Qozybaev atyndaǵy SQMÝ-niń, ishki saıasat, bilim basqarmalarynyń ókilderi, kýrs tyńdaýshylary qatysyp, ózara tájirıbe almasty. Onda kitap kórmesi, qujattar boıynsha aqparattyq aımaq, is-sharalar fotokollajy, latyn tilinde jazylǵan elektrondy jınaqtar men qujattar týraly aqparattar, stendter qoıyldy.
«Dóńgelek ústel» barysynda emle erejelerin paıdalaný, latyn álipbıi negizinde durys jazý máseleleri boıynsha pikirler ortaǵa salyndy. О́ńir boıynsha birinshi ret qoldanysqa berilgen kabınet jumysy respýblıkadaǵy fılıaldarǵa tanystyryldy. Instıtýttyń bir top oqytýshysy til bilimi ınstıtýty uıymdastyrǵan biliktilikti arttyrý kýrsynyń sertıfıkatyn ıelendi.
Latyn grafıkasyna oqytý aıasynda ınstıtýtta dóńgelek ústel, ǵylymı-tájirıbelik konferensııalar jáne ınteraktıvti úzilister sııaqty is-sharalar dástúrli túrde uıymdastyrylatyn bolady.
Soltústik Qazaqstan oblysy
