Ázirlik saqadaı-saı

Atap aıtqanda, oblys ortalyǵy aýmaǵynda №150 ýchaske saqadaı-saı jab­dyqtaldy. Mun­da 9 maýsym kúni 325 619 saılaýshy daýys bere­di dep kútilýde. Biz osy saıası naýqanǵa tyń­­ǵy­­lyq­ty ázirlik jasaı bilgen №60 jalpy orta bilim beretin mektepte ornalasqan №531 saı­laý ýchas­kesine barǵanymyzda, 2755 saı­laý­shy­nyń tizimi uqypty túrde jınaq­tal­ǵanyna kýá boldyq. 

Onyń ishinde 7 jas saılaýǵa tuńǵysh ret qatysyp, daýys bergeli otyr eken. Ýchaske sheńberine kiretin 6 múmkindigi shekteýli janǵa da daýys berý úshin yńǵaıly ári qajetti jaǵdaılar jasalypty. Jasy ulǵaıǵan qarııalarǵa qatysty da dál osylaı deýimizdiń jóni bar. №531 saılaý ýchaskesiniń tóraǵasy Abzal Tájimishev bizge saılaý naýqanyna ázirlik jumystarynyń qorytyndylary jáne saılaýshylardyń búgingi ynta-jigeri men órshil kóńil kúıi jóninde aıtyp berdi.

Atalǵan saılaý qosynymen irgeles №532 saılaý ýchaskesinde de jınaqylyq pen uqyp­tylyqtyń oń kórinisteri birden baı­qaldy. Munda 2975 saılaýshy tirkelse, densaýlyq jaǵdaıyna baılanysty alty adamnyń úıinen daýys berý úshin barlyq múmkindik týǵyzylypty. Taǵy bir aıta keterlik jaıt, atalǵan saılaý ýchaskeleri daýys berýge alǵashqylardyń leginde aza­mattyq paryzdaryn atqarýǵa kelgen 100 adamǵa arnaıy syılyq tapsyrýdy kózdep otyr eken.