Ahmadınejadqa shabýyl jasamaq boldy
Beısenbi, 7 aqpan 2013 7:39
Iran prezıdenti Mahmýd Ahmadınejadqa ótken seısenbi kúni Kaırde shabýyl jasamaqqa talpynys bolǵan. Bul týraly ITAR-TASS habarlady.
Egıpettiń qaýipsizdik kúshteri Sırııanyń azamaty bolyp tabylatyn jas jigitti ol Egıpet astanasyndaǵy Ál-Hýseın meshitinen shyǵa bergen Iran lıderine shabýyl jasamaq bolǵan jerinde qolǵa túsirgen. Osylaısha shabýyl jasaýshy qamaýǵa alyndy. Iran prezıdenti arada otyz tórt jyl ótkende alǵash ret Egıpetke kelgen bolatyn. Islam Respýblıkasynyń basshysy Iranda tóńkeris bolyp, Kaır Ierýsalımmen beıbit kelisimge qol qoıǵannan keıin elder arasyndaǵy dıplomatııalyq qarym-qatynastar toqtaǵan.
Beısenbi, 7 aqpan 2013 7:39
Iran prezıdenti Mahmýd Ahmadınejadqa ótken seısenbi kúni Kaırde shabýyl jasamaqqa talpynys bolǵan. Bul týraly ITAR-TASS habarlady.
Egıpettiń qaýipsizdik kúshteri Sırııanyń azamaty bolyp tabylatyn jas jigitti ol Egıpet astanasyndaǵy Ál-Hýseın meshitinen shyǵa bergen Iran lıderine shabýyl jasamaq bolǵan jerinde qolǵa túsirgen. Osylaısha shabýyl jasaýshy qamaýǵa alyndy. Iran prezıdenti arada otyz tórt jyl ótkende alǵash ret Egıpetke kelgen bolatyn. Islam Respýblıkasynyń basshysy Iranda tóńkeris bolyp, Kaır Ierýsalımmen beıbit kelisimge qol qoıǵannan keıin elder arasyndaǵy dıplomatııalyq qarym-qatynastar toqtaǵan.
Kúırete soqqy jasaıtynyn málimdedi
Phenıan Vashıngton men Seýldiń ýshyqtyrý áreketterine «kúıretýshi jáne olar kútpegen soqqymen jaýap beredi, ımperıalısterge eshqandaı keshirim jasalmaıdy». Bul týraly STAK aqparat agenttigi málimdegen.
KHDR óziniń áskerı áleýetin, onyń ishinde ıadrolyq áleýetin de kúsheıte túspek nıette. Resmı Phenıannyń pikirinshe, BUU Qaýipsizdik Keńesiniń Soltústik Koreıaǵa qatysty sanksııalar paketin ulǵaıtqan sońǵy qarary eldiń ǵarysh keńistigin zertteý quqyǵyna nuqsan keltiredi. Al KHDR-daǵy jańa ıadrolyq synaqtar týraly jańalyq Koreıa Respýblıkasynyń prezıdenti Pak Ken Heniń shynaıy alańdaýshylyǵyn týǵyzyp otyr.
Týrıstik avtobýsty jaryp jibergender kimder?
Bolgarııada ızraıldik týrıster otyrǵan avtobýsty jaryp jiberýge qatysqan terrorshylardyń qatarynda Kanada men Avstralııa azamattary bolǵan kórinedi.
Jarylysqa kanadalyq azamattyń qatystylyǵy týraly aqparatty osy el ókimeti resmı túrde rastady. Kanadanyń syrtqy ister mınıstri Djon Berd Bolgarııanyń Býrgas qalasyndaǵy áýejaıda týrıstik avtobýsty jaryp jiberýge Kanadanyń jáne Lıvannyń qos birdeı azamattyǵyn alǵan terrorshynyń qatysy bar ekenin málimdedi. Onyń aıtýynsha, ázirge qylmyskerdi ustaýdyń sáti túspegen kórinedi. Al Hızbolla terrorlyq tobynyń atalǵan jarylysqa qatysy bar ekendigi týraly buǵan deıin de habarlanǵan bolatyn.
Bıýdjet qysqartýdy keıinge qaldyrýdy usyndy
AQSh prezıdenti Barak Obama burnaǵy kúni kongreske 1 naýryzǵa belgilengen el bıýdjetin qysqartý merzimin neǵurlym keshirek merzimge kóshirý jóninde qysqa merzimdi jospar qabyldaýdy usyndy.
Memleket basshysy atap ótkendeı, 2013 jyldyń 1 naýryzyna deıin bıýdjettiń keń aýqymdy jobasyn daıyndaýdyń oraıy kelmeıdi, sondyqtan aldaǵy aıdan bastap bıýdjet shyǵyndarynyń 85 mlrd. dollarǵa qysqarýynyń aldyn alý úshin ýaqytsha sharalar qabyldaý qajet. Sonymen birge, AQSh prezıdentiniń 4 aqpanda 19 mamyrǵa deıin memlekettik boryshtyń shekteýli deńgeıin arttyrýǵa degen qajettilikti boldyrmaıtyn zańǵa qol qoıǵanyn da aıta ketý qajet.
Fransýzdar Malıden ketpek
Fransııa syrtqy ister mınıstri Loran Fabıýs fransýz áskerleriniń Malıden aldaǵy naýryz aıynda-aq shyǵaryla bastaıtynyn málimdedi.
Parıjdiń jospary boıynsha, qarýly qaqtyǵystardyń rettelýin qamtamasyz etý úshin Malıdegi fransýz áskerin kórshi memleketterden keletin afrıkalyq áskerıler almastyrýy tıis. Eger bári jospardaǵydaı júretin bolsa, naýryz aıynan bastap bizdiń áskerlerdiń sany azaıa túsetin bolady, dep atap kórsetken Fransııa syrtqy ister mınıstri. Mundaı málimdeme Malıdiń soltústigindegi sońǵy iri qala – Kıdal alynǵannan keıin jasalyp otyr.
Mınıstr doktorlyq dárejesinen aıyrylmaq
Germanııanyń bilim mınıstri Annetta Shavan plagıattyq týraly oǵan taǵylǵan aıyptaýlar tergelip bitkennen keıin ǵylymı dárejesinen aıyrylatyn bolady.
Dıýsseldorf ýnıversıteti fılosofııa fakýltetiniń keńesi onyń dıssertasııasynda qasaqana jasalǵan plagıat bar degen sheshim qabyldap otyr. Bul másele onyń bolashaqta bilim mınıstri laýazymynda qalý máselesine de úlken qaýip tóndirmek. A.Shavan bolsa, fakýltet sheshimine kelispeıtinin bildirip, apellıasııa bermek nıeti bar ekenin habarlaǵan. Onyń bir aı merzim ishinde talap-aryz berýge quqy bar.
Jalpy túrik tarıhyn jasaý jolyndaǵy talpynys
Ázerbaıjan Ulttyq ǵylym akademııasy Tarıh ınstıtýtynyń dırektory, parlament depýtaty Iаgýb Mahmýdov Bakýde barlyq túrkitildes elder tarıhshylaryn qatystyra otyryp, halyqaralyq konferensııa ótkizý josparlanyp otyrǵanyn habarlady.
Ol forýmnyń maqsaty – túrki halyqtarynyń ortaq tarıhyn jasaý jumystaryn jedeldetý. Mahmýdov bul máseleniń Ázerbaıjan men Túrkııa basshylary arasynda talqylanǵanyn atap kórsetken. Onyń aıtýynsha, eki el zertteýshileri jalpy túrik tarıhynyń ortaq josparyn jasaý jolynda jumystar júrgizýde, al Ázerbaıjannyń orta mektepterinde búkil túrki ımperııalarynyń tarıhy oqytylady.
Aral turǵyndaryna sýnamı qater tóndirdi
Solomon araldarynda jer silkinisi sýnamı týyndatty. Úsh derevnıa qıraǵan, qaza tapqandar da bar kórinedi.
Segiz balldyq jer silkinisi Solomon araldary tobyna kiretin Nendo araly aýdanynda oryn alǵan. Zilzala oshaǵy bes kılometr tereńdikte bolǵan. Solomon araldaryna jetken tolqynnyń bıiktigi 91 santımetrdi qurap, Lata áýejaıynyń aýmaǵyn basyp qalǵan. AQSh-tyń geologııalyq qyzmeti sýnamı qaýpi týraly habarlap, jaqyn jatqan eldi mekender turǵyndary ózge jerlerge kóshirilgen. Bıiktigi 1 metr bolatyn tolqyn qaýpi týraly eskertýler jasalýda.
Internet materıaldary negizinde ázirlendi.
