Tórt aı buryn О́skemende ótken «Nur Otan» partııasy oblystyq fılıalynyń HHII konferensııasynda Shyǵys Qazaqstanda kópbalaly jáne múmkindigi shekteýli balalardyń ata-analary balabaqshadaǵy tamaqtaný tóleminen bosatylatyny, óńirdegi áleýmettik turǵydan az qamtylǵan jáne kópbalaly otbasylardyń kolledjde oqıtyn balalary tamaqpen jáne shákirtaqymen tegin qamtylatyny, sonymen qatar aımaqtaǵy az qamtylǵan jáne kópbalaly otbasylardyń mektep jasyndaǵy balalaryna forma satyp alýǵa 500 mıllıon teńge kóleminde járdem kórsetiletini jaıynda aıtylǵan edi.
Qazir óńirde kópbalaly jáne az qamtylǵan otbasylardan shyqqan balalarǵa áleýmettik kómek kórsetý máselesi qaralýda. 5 maýsymda О́skemende ataýly áleýmettik kómektiń taǵaıyndalýy boıynsha ótken jıynda baıandama jasaǵan oblys ákiminiń orynbasary Ásem Núsipovanyń keltirgen derekterine súıensek, bıyl aımaqtaǵy kópbalaly jáne az qamtylǵan otbasylardyń 1087 oqýshysy (onyń ishinde 898-i 9 synypty, 189-y 11 synypty aıaqtamaq) mektep bitirmek. Aǵymdaǵy jyly tegin kásiptik-tehnıkalyq bilim berý úshin oblystyq bıýdjetten 6200, respýblıkalyq bıýdjetten Jumyspen qamtý jáne jappaı kásipkerlik baǵdarlamasy boıynsha 1730 oryn bólinipti. Osy maqsatqa jergilikti bıýdjetten jylyna 4,5 mıllıard teńge, onyń ishinde bıyl kópbalaly otbasylardyń stýdentterine 3 mıllıard teńge qarastyrylyp otyr eken. Aýdandyq jáne qalalyq bilim bólimderi qazirgi ýaqytta kópbalaly jáne az qamtylǵan otbasylardyń balalarynyń oblys kolledjderinde bilim alýǵa tilek bildirýshilerin anyqtaý jumystarymen shuǵyldanyp jatqan kórinedi. «Jaqynda Semeıde bolǵanymda maǵan bir kópbalaly otbasy balasynyń jeke menshik kolledjde oqıtynyn aıtty. Bul máseleni qalaı sheshýge bolady?» dep surady jıynda aımaq basshysy orynbasary Ásem Núsipovadan. Oblys ákiminiń orynbasary bul máseleni memlekettik tapsyrys aıasynda sheshýge bolatynyn tilge tıek etti. «О́ńirdegi qala men aýdan ákimderi oblystyq Bilim basqarmasy men bilim bólimderimen birlese bul máseleni tikeleı baqylaýyna alsyn. 1087 túlektiń ishinde oqýǵa túskisi keletinderdi anyqtap, olarǵa tıisti jeńildikter jasalýy kerek. Biz ýáde berdik, sózimizde turýymyz kerek», – dedi oblys ákimi.
О́SKEMEN
