№ 80 saılaý ýchaskesinde (S. Seıfýllın kóshesi, 59) daýys berý Qazaqstan Respýblıkasynyń Memlekettik Ánuranyn oryndaýmen bastaldy.
«Baıqońyr» aýdanynyń turǵyndary tańerteńnen bastap Qazaqstan prezıdentine daýys berý úshin keldi. Eń alǵashqy saılaýshylar estelik syılyqtar aldy.
«Turǵyndar tańerteńnen bastap saılaýǵa belsendi qatysa bastady, negizinen bul jastar men aǵa býyn ókilderi. Bul qýantarlyq jaıt. Saılaý ýchaskesinde daýys berýge barlyq jaǵdaı jasalǵan. Al men elimizdiń azamaty retinde óz tańdaýymdy jasap, daýys berdim», - dep atap ótti № 80 saılaý ýchaskesiniń tóraǵasy Jeńis Telemısov.
Qalanyń saılaý ýchaskelerinde úsh myńǵa jýyq saılaý komıssııasy jumys isteıdi. Olardyń 1109-y saıası partııalardyń múshesi bolsa, 1399 – qoǵamdyq birlestikterdiń ókili, sondaı-aq 318 adam joǵary saılaý komıssııalary tarapynan usynyldy.
Saılaý komıssııalary músheleriniń qataryna saıası partııalar men ÚEU, kommersııalyq qurylymdardyń ókilderi, zeınetkerler, ózin-ózi jumyspen qamtyǵan azamattar, stýdentter jáne túrli mekemelerdiń qyzmetkerleri kirdi.
Ýchaskelik saılaý komıssııalarynyń sandyq quramy saılaýshylardyń sanyna baılanysty 5-ten 11 adamǵa deıin anyqtalady.
Árbir saılaý ýchaskesinde saıası partııalar men qoǵamdyq birlestikterden 2 baqylaýshy jumys isteıdi.
