Shyǵys Qazaqstanda daýys berý jalǵasyp jatyr.
Úsh saǵat buryn oblys ákimi Danıal Ahmetov О́skemendegi №42 mektep ǵımaratynda ornalasqan №9 saılaý ýchaskesine kelip, daýys berdi.
Biz qaladaǵy Jibek matalar yqsham aýdanyndaǵy №46 orta mektepte ornalasqan №95 jáne 97 saılaý ýchaskelerine baryp, daýys berý prosesin kórip qaıttyq.
Halyqtyń daýys berýge belsendi túrde kelip jatqanyn mektep syrtyndaǵy qaptaǵan kólikterden-aq ańǵarýǵa bolatyndaı. «Turǵyndar óte belsendi. Saǵat 7-den beri tolassyz kelip jatyr. Bizdiń aýdan - jastardyń aýdany. Jańa úıler kóptep salynyp jatyr. Jastar ata-anasymen, bala-shaǵasymen kelip jatyr. Mine, qazirgi ýaqytta, saǵat 11:30-da saılaýshylardyń úshten bir bóligi daýys berdi deýge bolady. Daýys berý prosesin eki baqylaýshy baqylap otyr. TMD baqylaýshylary sál keıinirek keledi» deıdi №97 saılaý komıssııasynyń tóraǵasy Svetlana Afanaseva.
Osy saılaý ýchaskesinde daýys berip shyqqan aqsaqaldy da sózge tarttyq. «Ne aıtam?! О́zim qalaǵan adamǵa daýys berdim. Biz jańa kóshede turamyz. Taıaýda Almatydan kelip edim. Bir kemshilik, úgitshiler bizge kelmedi, qaı ýchaskeden daýys beretinimizdi aıtpady» deıdi О́skemen qalasynyń 77 jastaǵy turǵyny Áskerbek Musabekov.
Osy mekteptiń kireberisinde ornalasqan №95 saılaý ýchaskesinde kisi qarasy tipti qalyń eken. Saılaý ýchaskesine kirmes buryn mektep aýlasynda aqjaýlyqty ájeni jolyqtyrdyq. «Jastar patrıot bolyńdar» degen О́skemenniń qart turǵyny Gúlzıpa Mataeva, jasy 83-te, oblys ortalyǵyna 1995 jyly kóship kelgenin, buryn Kúrshim aýdanynda muǵalimdik qyzmet atqarǵandyǵyn aıtty.
№95 saılaý ýchaskesiniń kire berisinen satýshylar oryn alypty. Qymyz, basqa da tamaq ónimderin saýdaǵa qoıypty. Keıbir adamdar kezekke turyp, qymyzdan dám tatyp jatty. Al ishte daýys berý kezeginde turǵan turǵyndar qatary qalyń ekendigin ańǵardyq. Turǵyndardyń kóptigi sondaı, №95 saılaý komıssııasynyń tóraıymy qolynyń tımeı jatqandyǵyn aıtyp, suraǵymyzǵa jaýap berýge múmkindigi joqtyǵyn jetkizdi. Desek te osy saılaý ýchaskesindegi baqylaýshylardyń birin az-kem áńgimege tarttyq. «Tańǵy saǵat 7-den beri baqylap otyrmyz. Halyq óte belsendi. Eshqandaı zań buzýshylyqty baıqaǵan joqpyz. Bul mektepte eki birdeı saılaý ýchaskesi ornalasqan. Osy ýchaske boıynsha 2437 adam daýys beredi eken» deıdi «Amanat» azamattyq platformasy atynan saılaýdy baqylap otyrǵan baqylaýshy Bolat Aıtmuhambetov.
Aıta keteıik, Shyǵys Qazaqstanda 1040 saılaý ýchaskesi qurylǵan. Al oblys ortalyǵy – О́skemen qalasynda 120 saılaý ýchaskesi jumys istep tur.
О́SKEMEN
Sýretterdi túsirgen Tileýbek ShAIаHMET
