– Qyzym Nur-Sultan qalasynda turady. Biraq ata-anasymen birge daýys berý úshin ol elordadan esepten shyǵarý talonyn alyp keldi. Men turaqty jáne gúldengen Qazaqstan úshin jáne eń bastysy – balalardyń bolashaǵy úshin tańdaý jasadym. Meniń 7 aılyq kishkentaı nemerem bar. Onyń baqytty elde ómir súrýi úshin jáne bolashaǵy úshin de daýys berdim dep oılaımyn, – dedi Erlan Qoshanov.
Osy jerde oblys ákimi jerlesterin ataqty boksshy Gennadıı Golovkınniń búgingi tamasha jeńisimen quttyqtady.
– Kóptegen qazaqstandyqtar sııaqty jekpe-jekti men de tikeleı efırden tamashaladym. Twitter-de quttyqtaý jazyp, Gennadııdiń anasy Elızaveta Sergeevnany quttyqtadym, – dedi ol.
Atalǵan saılaý ýchaskesi tańerteńnen bastap belsendi tirlik pen merekelik kóńil-kúıge bólengen. Aýmaqtyq saılaý komıssııasynyń aqparaty boıynsha, tirkelgen 2855 saılaýshynyń 20 prosenti tańǵy saǵat 10.00-ge deıin daýys beripti. Saılaýshylardyń kóbi jastar. Olar úshin bul - alǵashqy saılaý. Kóptegen adam daýys berýge otbasymen, kishkentaı balalarymen keldi.
Qaraǵandy oblysynda 787 saılaý ýchaskesi jumys isteıdi. QR Prezıdentin saılaý barysyn óńirde 40-tan astam halyqaralyq baıqaýshy qadaǵalaıdy. Ortalyq saılaý komıssııasynyń málimetine saı, tańǵy saǵat 10.00-de oblys boıynsha saılaýshylardyń kelýi 10,1 prosentti quraǵan.
Qaraǵandy oblysy
