Shymqalalyqtar bul retki saıası naýqanǵa belsendilik tanytýda. Qazaqstan Prezıdentin kezekten tys saılaýdyń saǵat 12-degi nátıjesi boıynsha Shymkent qalasyndaǵy kórsetkish 24,6 paıyzdy qurap otyr.
Tipti, saılaý ýchaskelerine Qaıtpas móltekaýdanyndaǵy bir áýletke jańa túsken jas kelin de óz tańdaýyn jasaýǵa kelgen. Budan ózge saılaýda árbir azamattyń daýysy mańyzdy ekenin túsingen jańa otaý tikken jas jubaılarda kelip, eldik máselege beı-jaı qaramaıtyndyǵyn kórsetti.
Tańmen talasa Shymkent qalasynyń ákimi Ǵabıdolla Ábdirahymov A. Pýshkın atyndaǵy N1 mektep-gımnazııasyndaǵy 92 saılaý ýchaskesine kelip, óz tańdaýyn jasady. Atalǵan saılaý ýchaskesinde 4 baıqaýshy bar. Munda jalpy 2504 saılaýshy tirkelgen.
«Bul saıası is-shara - elimiz úshin óte mańyzdy. Eń birinshi bolyp, áriptesterimmen birge kelip daýys berýdi uıǵardym. Bul - bolashaǵymdy tańdaý. Barsha qala turǵyndaryn óz Konstıtýsııalyq quqyǵyn paıdalanyp, daýys berýge shaqyramyn. Bárinde óz tańdaý quqyǵy bar», - deıdi Ǵ. Ábdirahymov.
Al, Shymkent qalasyndaǵy Jastar resýrstyq ortalyǵynda ornalasqan №99 saılaý ýchaskesinde 2402 adam tirkelgen. Onyń ishinde 3-i múmkindigi shekteýli jandar. Munda kelýshilerdiń saıası dodaǵa bir kisideı atsalysýy úshin bar jaǵdaı jasalǵan. Qala turǵyndarynyń da, el irgesin ustar jastardyń da belsendiligi erekshe. «Amanat» azamattyq platformasynyń da saılaýdaǵy baqylaý jumystary joǵary deńgeıde.
«Tańerteńnen árbir kelgen saılaýshylarymyz óziniń qalaǵan kandıdattaryna daýys berip jatyr. Daýys berýge quqyly ár azamat saılaýda óz tańdaýyn jasaýy tıis. Olar osyndaı kezeńde beıtarap qalmaýy kerek», - deıdi saılaýdyń baqylaýshy ókilderi.
Shymkent
