О́z kezeginde «Parasattylyq elshileri» parasat, adaldyq sekildi qundylyqtardyń el arasynda taralyp, nasıhattalýyna yqpal etetin ambassadorlar bolmaq. Jalpy, parasattylyq elshisi, ıaǵnı ambassador bolý ońaı sharýa emes eken. Ol úshin sózi men isi kelisken, ózindik ortasynda ádil, eńbekqor azamat retinde beınesin qalyptastyrǵan tulǵa bolýdyń mańyzy joǵary. Iаǵnı,salaǵa engizilgeli otyrǵan ambassador uǵymy – parasattylyq pen adaldyq quziretteriniń eń bıik ólshemi bolmaq.
Memlekettik qyzmetshiler qoǵamda moraldyq qundylyqtardy jan-jaqty qalyptastyryp, basqa adamdarǵa adaldyq pen parasattylyq úlgisin kórsetýleri kerek. Tek osylaı ǵana ıntellektýaldy jáne parasatty qoǵam qurýǵa qol jetkize alamyz- deıdi Qazaqstan Respýblıkasy memlekettik qyzmet isteri jáne sybaılas jemqorlyqqa qarsy is-qımyl Agenttiginiń Almaty oblysy boıynsha departamentiniń basshysy Serikbaı Nurǵısaev.
Osylaısha, parasattylyq elshileri arqyly jalpy qoǵamdyq sybaılas jemqorlyqqa qarsy mádenıetti qalyptastyrý men adaldyq, adamgershilik jáne ádildik, ar-ujdan sııaqty bir-birimen parapar ustanymdarǵa jol ashylmaq.
Qazir Almaty oblysyndaǵy jıyrma aýdan men qalada sybaılas jemqorlyqqa qarsy arnaıy monıtorıngteý toptary, «Jetisý – adaldyq alańy» jobasynyń aıasyndaǵy lektorlyq toptar qurylǵan. Budan bólek, 762 mektepte «Adal urpaq» erikti mektep klýbtary men 60 kolledj ben 3 joǵarǵy oqý ornynda «Sanaly urpaq» klýbtary men keńseleri jumys jasaýda.
