Kúrshim aýdanynda 363 kópbalaly ana turady. Búgingi kúni altyn qursaqty analardyń barlyǵy kelip, óz tańdaýlaryn jasady. Solardyń biri - "Altyn Alqa" ıegeri, 7 balanyń anasy Aınur Adaspaeva. «Búgin óz saılaý ýchaskeme baryp, daýysymdy berdim. Men kópbalaly ana, «Altyn alqa» ıegerimin. Kóp balaly otbasy – bereke-birliktiń úılesken jeri. Adamzat tarıhynda esimi elge tanylǵan tulǵalardyń kópshiligi kóp balaly otbasynda dúnıege kelgen. Búginde memleket tarapynan kópbalaly analarǵa kóńil bólinýde. Mektep jasyndaǵy balalarym tegin ystyq tamaqpen qamtamasyz etilip, aýdan ortalyǵynda jastardyń bos ýaqytyn uıymdastyrýǵa arnalǵan úıirmelerge, sport nysandaryna tegin qatysady. Joldasym ekeýmiz balalarymyzdyń sapaly bilim alyp, elimizdiń betke ustar, bilimdi, tárbıeli, eńbekqor azamattary bolýǵa bar kúsh jigerimizdi salýdamyz. Balalarymnyń bolashaǵy úshin búgin tańdaý jasadym» deıdi altyn qursaqty ana. Aýdan boıynsha alǵash daýys bergen azamattar men kópbalaly analarǵa syılyqtar tabystalyp, Alǵys hattarmen marapattaldy.
Kúrshim aýdany
