Saılaýǵa daýys berýge erte barǵan azamattardyń qatarynda qala ákimi Ǵabıdolla Ábdirahymov ta boldy. Ol №1 A.S.Pýshkın mektebinde ornalasqan №92 saılaý ýchaskesinde tańdaý jasap, barsha qalalyqtardy eldegi mańyzdy saıası naýqanǵa belsene qatysýǵa shaqyrdy.
«Búgingi kún - memleketimizdiń bolashaǵyn aıqyndaıtyn asa mańyzdy tarıxı sát. Búgin biz ortaq bolashaǵymyz - órkendeý men damý úshin daýys beremiz. Aldymyzda memleketimizdi alǵa odan ári jeteleıtin aýqymdy mindetter tur. Qazaqstan damýdyń dańǵyl jolymen úlken qadam jasaryna senimdimin. Barshańyzdy saılaý ýchaskelerine baryp, daýystaryńyzdy óz kandıdatyńyzǵa berýge shaqyramyn. Bul saıası is-shara - elimiz úshin óte mańyzdy. Eń birinshi bolyp, áriptesterimmen birge kelip daýys berýdi uıǵardym. Bul - bolashaǵymdy tańdaý. Barsha qala turǵyndaryn óz Konstıtýsııalyq quqyǵyn paıdalanyp, daýys berýge shaqyramyn. Bárinde óz tańdaý quqyǵy bar», - dedi Ǵ.Ábdirahymov.
Shymkent qalalyq saılaý komıssııasynyń málimdeýinshe Shymshahardaǵy saılaý barysyn qadaǵalaýǵa 24 halyqaralyq baqylaýshy tirkelgen. Olardyń deni TMD aýmaǵyn kelgen azamattar.
«Bul 2016 jyldyń 20 naýryzyndaǵy Qazaqstan Respýblıkasynyń Parlamenti Májilisi depýtattarynyń kezekten tys saılaýyndaǵy saılaýshylar sanynan 1,5 esedeı artyq», deıdi Shymkent qalalyq saılaý komıssııasynyń hatshysy Qaıyrbek Qunanbaev málimdedi.
Aıta keterligi, Shymkentte 9 maýsym – Qazaqstan Respýblıkasy prezıdentiniń kezekten tys saılaýyna qoǵamdyq kólikter jolaýshylardy tegin tasymaldady. Búginde Shymkentte 27 kólik kompanııasyna qaraıtyn 80 baǵyt bar. Osy baǵyttarda 1155 kólik jolaýshylarǵa qyzmet kórsetedi. Sol kólikterdiń barlyǵy da saılaý kúni jolaýshylardy tegin tasymaldady.
Shymkent qalasyndaǵy Jastar resýrstyq ortalyǵynda ornalasqan №99 saılaý ýchaskesinde 2402 adam tirkelgen. Onyń ishinde 3-i múmkindigi shekteýli jandar. Munda kelýshilerdiń saıası dodaǵa bir kisideı atsalysýy úshin bar jaǵdaı jasalǵan. Qala turǵyndarynyń da, el irgesin ustar jastardyń da belsendiligi erekshe. «Amanat» azamattyq platformasynyń da saılaýdaǵy baqylaý jumystary joǵary deńgeıde.
«Tańerteńnen árbir kelgen saılaýshylarymyz óziniń qalaǵan kandıdattaryna daýys berip jatyr. Daýys berýge quqyly ár azamat saılaýda óz tańdaýyn jasaýy tıis. Olar osyndaı kezeńde beıtarap qalmaýy kerek», - deıdi saılaýdyń baqylaýshylar.
«Shymkent turǵyndarynyń belsendiligi joǵary. Saǵat 18:00 ge deıingi málimet boıynsha Shymqalada 362 myńnan astam turǵyn saılaý ýchaskelerine baryp óz tańdaýyn jasady. Bul jalpy saılaýshylardyń 63 paıyzyn quraıdy. Bul kórsetkish 20:00-ge deıin arta túsedi», deıdi qalalyq saılaý komıssııasynyń tóraǵasy Erlan Daýylbaev.
